حه‌شه‌د شه‌عبى: پيڤه‌رێن مافێ مرۆڤى ل مووسل بن پێ ناكه‌ين
ئه‌ڤرۆ نيوز:
هێزێن چه‌كدارێن حه‌شه‌د شه‌عبى يێن شيعى رۆژا ئێكشه‌مبى 17ى چريا ئێكێ 2016ێ راگه‌هاند كو د پرۆسا ئازادكرنا مووسل دا “پيڤه‌رێن مافێ مرۆڤى بن پێ ناكه‌ين”، ئه‌ڤ گۆتنێن حه‌شه‌د شه‌عبى پشتى گه‌فێن توركيا و سعودى هاتن ده‌ما ته‌كست ل سه‌ر وێ چه‌ندێ كرى كو ل ده‌ڤه‌رێن ژ بن ده‌ستێ داعش رزگار دكه‌ن “پيڤه‌ران بن پێ دكه‌ن”.
ئاخفتنكه‌رێ ب ناڤێ حه‌شه‌د شه‌عبى ئه‌حمه‌د ئه‌سه‌دى گۆت: “ده‌سته‌يا بلند يا حه‌شه‌د شه‌عبى و هێزێن به‌ره‌ڤانيا ئيسلامى د پابه‌ندن ب نه‌خشه‌يێ له‌شكرى ئه‌وێ ژ لايێ سه‌رۆكێ هێزێن چه‌كدار (سه‌رۆك وه‌زيرى) حه‌يده‌ر عه‌بادى هاتيه راگه‌هاندن د ئازادكرنا مووسل دا ژ چه‌كدارێن تيرۆرست”، هه‌ر وه‌كو ل مالپه‌رێ وان هاتيه به‌لاڤكرن.
زێده‌تر گۆت: “د پرۆسه‌يا ئازادكرنا مووسل دا، ده‌سته‌يا حه‌شه‌د پيڤه‌رێن مافێ مرۆڤى بن پێ ناكه‌ت”، دا زانين ژى “دێ د پابه‌ند بين ب يا بۆ مه هاتيه دياركرن ژ لايێ فه‌رماندێ گشتى ڤه”.