حهیفه ههڤژین ب نامهكا موبایلێ بهێته بهردانردهت
ههڤژینێ ئهو پهیوهندیا پیرۆزا د ناڤبهرا دو كهسان دا. ئهو سۆز و پهیمانا ئهڤینیا د ناڤبهرا ژن و مێران دا ههڤژینی یه و سۆزا ئێكگرتنا دو دلان و ژیانا ههڤپشك ب خۆشی و نهخۆشیێن خوه ڤه. ههڤژینی ههلبژارتنا دو كهسێن پێگههشتی یه
قارهمان د ڤێ پهیوهندیێ دا زهلامه، رۆلێ وی د ڤێ داستانێ دا گهلهكێ بهرچاڤه د جڤاكێن رۆژههلاتی دا ههم ژ لایێ ئاینی ڤه ههم ژ لایێ جڤاكى ڤه. ل ڤێرێ پتریا جاران بریار یا د دهستێن وی دا كهنگی بڤێت دێ بهردهوامیێ دهته پهیوهندیێن خوه ههر چ جۆره پهیوهندی بیت كهنگی بڤێت دێ دووماهیێ پێ ئینیت. مخابن هندهك زهلام چ گرنگیێ نادهنه ههڤژینیا خوه گهلهك ب چاڤهكێ كێم بهرێ خوه ددهنه ههڤژینا خوه، چ بهای نادهنێ چو رێزێ لێ ناگرن ب تنێ بۆ حهزێن خوه بكاردئینیت ههر دهمێ حهزێن وی بدووماهی هاتن ههڕفاندنا ڤێ خێزانێ دێ وهك ئاڤ ڤهخوارنێ بیت بۆ وی… ئهڤ پهیوهندیا هنده پیرۆز یا بوویه یاریا زارۆیان و هندهك ل دووڤ حهزێن خوه تڕانا پێ دكهن، چونكو پتریا جاران زهلام دبیته ئهگهرێ ههڕفاندنا ڤێ پهیوهندیێ چونكو ئهو خودان دهستههلاته د جڤاكێن مه دا. چیرۆكا مه قارهمانێ وێ زهلامهكه بۆ ماوێ شهش سالانه ههڤژینی پێكئینایی و زارۆ نهبوون، رۆژهكێ ژ نشكهكێ ڤه زهلام دبێژیته ههڤژینا خوه ئێدی بهسه ئهز دێ ڤێ خێزانێ ههلوهشینم!! بێ كو ئهگهرهكێ بۆ ههڤژینا خوه بدهته دیاركرن و ژ مال دهردكهڤیت. ژن وهسا هزر دكهت دێ چیت سهقایێ خوه گوهۆریت و مێشكێ خوه ئارام كهت و زڤریته ڤه مالا خوه. لێ وهسا نه دهركهت پشتی چهند رۆژ بۆرین، كورته نامهكێ بۆ ههڤژینا خوه فرێدكهت و تێدا دبێژیت (ئهو من تو بهردای)!!. ئهرێ كیژ ئاین و كهلتۆر ل سهر ڤێ چهندێ رازی دبن. پسیار ل ڤێرێ؟ ئهرێ ئهڤهیه ئهركێ زهلامی یان ئهركێ ههڤژینی بۆ پهیوهندیا ههڤژینیا وان هند یا كێم بهایه ههتا ب ڤی رهنگی بێته بدووماهی ئینان؟ ئهرێ سۆزا ههڤژینان هند یا ب ساناهی یه بێ چو ئهگهرهكێ مهزن بێته ههڕفاندن، ئهرێ نهبوونا زارۆیان ئهگهرهكێ سهرهكێ یه خێزان ژ بهر بهێته ههرفاندن؟. یان ب تنێ بههانهیه نهبوونا زارۆیان ههكه مرۆڤ ل دووڤ بههانان بچیت گهلهك دمشهنه…. گۆتنهكا مهزنا یا ههی دبێژیت هندی بمینین دێ ههر بینین؟!!
