حوسام رەسامی دزی ژڤی سترانبێَژ کورد کرن
ئەڤرۆ نيوز:
بەرپرسێ مافێن ھونەری ل رێڤەبەریا گشتی یا رەوشەنبیری و ھونەری دیارکر کو بۆ ماوەکی یە ھندەک پارچێن کلیپا سترانبێژ (ھەژار دھۆکی ) ھاتینە دزین ژلایێ ھونەرمەندێ عیراقیێ بەرنیاس (حوسام رەسام ) ڤە ل دووڤ داخازا سترانبێژ (ھەژاردھۆکی) بزاڤ ھاتینەکرن ب رێکێن یاسایی داخازا مافێن سترانبێژی بھێتەکرن.
دلوڤان عابد بەرپرسێ مافێن ھونەری ل رێڤەبەریا گشتی یا رەوشەنبیری و ھونەری بۆ بەرپەرێ ھونەری یێ رۆژناما ئەڤرۆ گۆت: مە یاسایەک ھەیە ژ پەرلەمانێ کوردستانێ دەرکەفتیە یا ژمارە(17) یا سالا 2012 و ئەڤ یاسایە مافی د دەتە ھەموو ھونەرمەندان بەرھەمێن وان دپاراستی بن و ناھێلیت سەرپێچی ل مافێن وان بھێنە کرن و ھەردەمەکێ سەرپێچی بھێتەکرن وی ھونەرمەندای ماف ھەیە سکالایێ ل دادگەھێ توماربکەت.
گۆت: ھونەرمەند (حسام رەسام ) یێ ئاگەھدارە و گەلەک بزاڤ کرینە خوە نێزیکی سترانبێژ (ھەژار دھۆکی) بکەت وی رازی بکەت و چ ب رێکا پارن یان ھەرتشتەکی دی کو ئەڤ کێشە نە گەھیتە دادگەھێ، بەلێ سترانبێژی ناڤبری رازی نەبوویە و ڤیایە ئەڤ کێشە ب رێکا دادگەھێ بھیتە چارە سەرکرن.
جھێ ئاماژەکرنێ یە ئەڤرۆ چواری ئێڤاری ل ھولا پانوراما دھۆکێ سترانبێژێ ناڤبری دێ د پرێس کونفرانسەکی دا ب شێوەکێ فەرمی سکالا خوە راگەھینت ل سەر ھونەرمەندێ عیراقی حسام رەسام.
