حوسیێن یەمەنێ: خوە بۆ شەرێ ئسرائیلێ بەرهەڤ دکەین
یەحیا سەریع پەیڤدارێ هێزێن چەکدارێن حوسیێن یەمەنێ راگەهاند، وان ب هەموو رەنگەکێ خوە بۆ شەرێ ل دژی ئسرائیلێ بەرهەڤ کرینە، وان چەکێن مودێرن و پێشکەفتی د دەست دا هەنە و دشێن ئێرشی گەمیێن ئسرائیلێ بکەن، هەکە ئسرائیل دەست ژ ئێرشێن خوە یێن ل سەر غەزە بەرنەدەت ئەو دێ زیانێن مەزن گەهیننە بازرگانیا ئسرائیلێ.
ناڤهاتی ئەو یەک ژی دیار کر، وان ب فەرمی داخواز ژ هەر وەلاتەکێ کرینە یێن وەلاتیێن وان ل گەمیێن ئسرائیلێ کار دکەن بلا وەلاتیێن خوە ببەن، چونکی دێ گەمیێن ئسرائیلێ بنە ئارمانجا ئێرشێن وان.
ل ئالیێ دی وەزارەتا بەرگریێ یا ئسرائیلێ ژی ب توندی بەرسڤا حوسیێن یەمەنێ دا و راگەهاند، هەر ئێرشەک ل سەر گەمیێن وان بهێتە کرن ئەو دێ ب توندی بەرسڤێ دەن، باشترە حوسی دەست ب کارەکێ وەسا نەکەن، چونکی دێ ب گرانی ل سەر وان راوەستیت.
