حوكمه‌تا سوريا: چو جوداهى د ناڤبه‌را باكوورێ سوريا و ده‌ڤه‌رێن دى دا نينه
ئه‌ڤرۆ نيوز:
وه‌زيرێ لهه‌ڤهاتنا سوريێ عه‌لى حه‌يده‌ر راگه‌هاند كو سه‌ره‌ده‌ريا ده‌له‌تا سوريێ كو نها ل گه‌ل باكوورێ سوريێ دكه‌ت و نوكه د ده‌ستێ كوردان دايه، وه‌كو يا ده‌ڤه‌رێن دى يه و چو تايبه‌تمه‌ندى د وێ ده‌ڤه‌رێ دا نينه.
عه‌لى حه‌يده‌ر، بۆ ئاژانسا سپۆتينگ يا رۆسى راگه‌هاند كو ئه‌و نه‌شێن چو جوداهيێ بێخنه ناڤ پارێزگه‌هێن سوريێ يان پێكهاتێن سوريێ و تايبه‌تمه‌نده‌كيێ بده‌نه پێكهاته‌كێ سوريێ.
ب گۆتنا حه‌يده‌ر، ئه‌و وه‌كو هه‌ر پارێزگه‌هه‌كا سوريێ كار ل گه‌ل باكوورێ سوريێ دكه‌ن و چو جوداهيا باكوورێ سوريێ ل گه‌ل پارێزگه‌هێن دى يێن سوريێ نينه.
ده‌رباره‌يى هه‌بوونا په‌يوه‌نديان د ناڤبه‌را كوردان و ئه‌مريكا دا، ناڤهاتى گۆتى: “دڤێت ئه‌و كوردێن ل گه‌ل ئه‌مريكا كار دكه‌ن پشتا خوه بده‌نه ئه‌مريكا و به‌رێ خوه بده‌نه ده‌وله‌تا سوريا”.
