حوكمهتا ههریمێ د ههلسهنكاندنهكا ستراتیژى دا
………. (ئاسایش)
رهمهزان نسرهددین كێڤلى
ئاسایش ئانكو نههێلانا مهترسیێ ل سهر ههمى وارێن ژیانێ و تێگههێ ئاسایشێ ب ههمى رامانێن خوهڤه ئهوه كو تاك یان گرۆپ یانژى مللهت یانژى جڤاكێ دهولى ههست ب ئارامى و تهناهیێ بكهت و نههێلێن مهترسى ل سهر وان زال بن، بهلكو ژینگهههك دورست بیت ههمى كهسهك ل وێ ژینگههێ دا ههست ب ئاسایش و ئارامیێ بكهت.
چونكو نهبوونا ئاسایشێ هندهك دهرئهنجامێن زۆر خراب ههنه ل سهر گشت وارێن ژیانێ ژ وانا:
ـ بهر بهلاڤبوونا رێژا توندیێ و كوشتن و تاوانان.
ـ ژێكجودابوونا جڤاكى.
ـ نهبوونا گهشهیا سیاسى و ئابوورى و جڤاكى.
ـ راوهستاندنا زۆر وارێن ژیانێ، ئانكو ژیانا رۆژانه دكهفته ل مهترسیێ دا ..
ـ نههێلانا پێكڤه ژیانا سیاسى و ئاینى و جڤاكى.
ل ڤێره پشتى سهرهلدانا پیرۆز حوكمهتا ههرێما كوردستانێ سیاسهتهكا ئاسایشى یا ب هێز داریشتى یه تاكو شیایێ ل سهر ههمى ئاستان ژیان خهلكى ب پارێزیت نهخاسمه زۆر گهف و مهترسى چ یێن ناڤخوه یان دهرڤه ل سهر ههرێما كوردستانێ ههبووینه بهلێ ژ ئهنجامێ پهیرهوكرن و كاركرنا دهزگههێن هێزێن ناڤخوه شیایه حهتا رادهیهكێ باش مهترسیێ ل سهر خهلكى كێم بكهت و قووناغ بۆ قووناغێ بهر ب باشترڤه بچیت ل ههمى قووناغهكێ دا گهفێن زۆر رژدى ل سهر ههرێما كوردستانێ ههبووینه چ كهفێن تیرۆرا جیهانێ ئهوا ب ناڤێ قاعیده یانژى ههبوونا گرۆپێن ئیسلامیێن تیرۆرستى ل دهڤهرێن پارێزگهها سلێمانیێ ههتا كو شیایێن گهلهك چالاكیێن تیرۆرى ل كوردستانێ ئهنجامبدهن و دیسا رژێمێن جیران بۆ كوردستانێ ههمى دهمهكێ مهترسیێن دى ل سهر ئاسایشا خهلكێ كوردستانێ دورست كرینه ژ وان مهترسیان:
ـ مهترسیێن ئابوورى لێ ل بهرامبهرى خوه حوكمهتا ههرێما كوردستانێ ههولدان دكرن ئاسایشا ئابوورى بپارێزیت.
ـ مهترسێن هزرى و رهوشهنبیرى تایبهت بۆ نههێلانا كهلتۆر و رهوشهنبیریا كوردى و چهساپاندنا رهوشهنبیریا بیانى ل مهژیێ تاكێ كورد، بهلێ حوكمهتا ههرێما ب رێیا وهزارهتا رهوشهنبیرى و پهروهردێ شیان پهروهدهكا ب تام كوردى دورست بكهن ل خزمهتا ئاڤاكرنا تاكێ كورد دا.
ـ كهفێن لهشكرى تانوكه ژى ب بههانهیێن جودا جودا دهستدرێژى ل سهر ئاخا كوردستانێ دهێتهكرن و ئهڤه ژى ڤهدگهریت بۆ نهبوونا دهولهتهك ب هێز ل عێراقێ و دیسا نهبوونا قهوارهك كوردى سهربهخوه.
ـ ل سهر گهلهك ئاستێن دى وهكو (ئاسایشا پێزانینا و ئاسایشا مالى و ژینگههى..هتد).
لهورا نه ل ههرێما كوردستانێ و نهژى ل چ وهلاتێن دونیایێ ئاسایشهك رها نینه، بهلێ ئهگهر ئهم بهراوردیێ بكهن و دگهل وان خالێن دبن هۆكار بۆ تێكدانا ئاسایشێ حوكمهتا ههرێما كوردستانێ یا سهركهفتى بوویه د ڤێ وارى دا و ئهڤ چهنده بوویه هۆكارێ دورستبوونا گهشهپێدانا سیاسى و ئابوورى و جڤاكى ل كوردستانێ و گرنگیا ئاسایشا ژى ل كوردستانێ ل هندێ دایه دهمێ ههمى تاك ههست بكهن كو ل مال یان جهێ كارێ خوه دپاراستى نه و خالا ژ ههمى گرنگتر باوهریا خهلكى یه ب ئهڤان دامودهزگههان زۆر باشه و ههڤكاریا خهلكى ژى ل ئاستهكێ ههرى باش دایه.
بۆ داهاتى ژى پێدڤى یه باشتر خوادنا رهوشا ههرێمى و ناڤخوه بهێته كرن و دیسا ئالاڤێن جێ بهجێكرنا ئاسایشێ ب هێز بن ل كوردستانێ و تاكێ كورد خوه ببینیت پشكهك ژ مهنزموونا ئاسایشى بۆ هندێ پلانێن حوكمهتێ سهركهفتى بن، چونكو قووناغا داهاتى دوور نینه زۆر گوهۆرینێن سیاسى و لهشكرى ل رۆژههلاتا ناڤهراست دورست بن.
