حوكمهتا ههرێمێ د ههلسهنگاندنهكا ستراتیژى دا ..
ئیدیڈم
حوكمهتا ههرێمێ د ههلسهنگاندنهكا ستراتیژى دا ..
(پهروهرده)
رهمهزان نسرهددین كێڤلى
پهروهرده كرنگترین بنهمایێ ئاڤاكرنا مللهتانه د ههمى قووناغێن دیرۆكى دا بۆ بهرههمئینانا مرۆڤان ب شێوازهك دورست و خواندنا رهفتار و كریار و بهرههمێ مرۆڤانه و ڤهگوهاستنا وانایه بۆ ئاستێن جڤاكى. پهروهرده ئالاڤهكه هاریكاریا مانا مرۆڤى دكهت و دیسا هاریكاریا بۆ بهردهوامبوونا مرۆڤى بۆ گهشهكرنا وان پرهنسیپ و دابونهریتێن مرۆڤى ل سهر دچیت د خزمهتا مرۆڤى بخوهدا. چ ئهڤ پهروهده دینى بیت یان جڤاكى و سیاسى بیت ههردهما پهروهده ژ بازنێ خوهیێ مرۆڤایهتى دهركهفت، ئانكو خزمهتا مرۆڤى نهكر وى دهمى ئهم نهشێن ناڤ لێبینن پهروهده.
ههمى دینێن ئهسمانى بۆ خزمهتا مرۆڤان هاتینه و دیسا زۆربهیێ زانستێن ل بهردهستى مرۆڤان ژ ڤهریژا مرۆڤان بخوه بووینه ب ئارمانجا خزمهتكرنا مرۆڤایهتى و دیسا زۆربهیى تیۆرین سیاسى ژى بۆ خزمهتا رێخستنا جڤاكین سیاسى هاتیه.
(ئهفلاتۆن/ دبیژیت پهروهرده دانا جوانیى و كهمالێ یه بۆ لهش و دهروونێ مرۆڤى) (ئهبۆ حامد غزالى/ دته دیاركرن پهروهده پاكترین پیشهسازیا مرۆڤانه) و (ئهمائۆیل كانت/ دته دیاركرن بلندبوونا مرۆڤى یه بۆ ههمى ئاستێن جوانى و تهواوبوونێ یه).
پشتى سهرهلدنا پیرۆز بۆ ئیۆكهم جار ل كوردستانێ ل زۆربهیێ پهروهردهیى مللهتى كورد ب پهروهردهكا كوردى هات پهروهردهكرن، چونكو ل قووناغێن بهرى سهرهلدانا پیرۆز ههمى ئهو هزر بۆچوون و بابهت و فهلسفه و رهوشهنبیرى ژ خهلكهكێ بیانى دهاته سهپاندن ل سهر ئهڤى مللهتى بهلێ دیار رۆلێ حوكمهتا ههرێما كوردستانێ دا د ڤى بیاڤى دا زۆرێ گرنگ بوویه تایبهت ل ڤان خالان دا:
1ـ ڤهگوهاستنا شیوازێن رهفتار و كریارێن تاكى بۆ جڤاكى ب شێوازهكى دورست، ئهو ژى ب رێیا دامودهزگههێن پهروهدێ كو رۆلهك سهرهكى ههیه.
2ـ ڤهكوهاستنا كهلتوور و رهشهنبیر و راستڤهكرنا خالێن لاواز و ژێبرنا خالێن توند بهر ب رهوشهنبیریا لیبۆرینا دینى و نهتهوهیى و ئتنى ل كوردستانێ.
3ـ تاك بۆ ئارمانجا حوكمهتێ ب مهرهما ئاڤاكرنا وى ل سهر بنهمایهكێ دورست كو تاك بشێت خزمهتا جڤاكى بكهت.
4ـ گهشهسهندنا هزرى و بهرههمێن زانستى و رهشهنبیرى.
ئهڤ خالێن مه ئاماژه پێكرین میحوهرێ سهرهكى بووینه ژ ستراتیژیهتا حوكمهتا ههرێما كوردستانێ، بهلێ زۆر ب مخابنى ڤه ل زۆر ئاستان گهلهك كهموكورتى ههبووینه و ئهوا دهاته چاڤهرێكرن وهكو دهرئهنجامێ پرۆسا پهروهردهیى نههاتیه دیتن، بهلكو ب شێوهكێ دى ل سێكۆشا پهروهردى خێزان جاده قوتابخانه ههفكار و ههماههنگ نهبووینه بۆ هندێ تاكهكى ئاڤاكهر دورست بكهن.
دهمێ پرسیار ژ (محهمهد ئاركۆن) هاتیه كرن كۆتیێ مهزنترین ئاریشا مللهتێن رۆژههلاتى چیه د بهرسڤا خوهدا دبێژیت (الجهل المۆسس و الجهل المقدس) ل ناڤ مه كوردان ل بن كاریگهریا گلۆبالیزمى و رهوشهنبیریا بیانى تایبهت رهوشهنبیریا عهربى و توركى و ئیرانى ژ رویێ پهروهدهیى ڤه وه لاوازین ل بهرچاڤ ههنه و پێدڤیه حوكمهتا ههرێما كوردستانێ پیداچوونهكا ئهكادیمى بكهت و مفایى ژ سهربۆرێن وهلاتێن پێشكهفتى وهربگریت بۆ هندێ پهروهردهكا دورست و دورست گهشه بكهت د ناڤ مللهتێ كورد دا.
لهورا دهرئهنجامێ ئهڤى بابهتى ههولێن حوكمهتا ههرێما كوردستانێ جهێ دهست خۆشیى بووینه، كو ل زۆر بوارندا كارهك ئێك جاران مهزن هاتیهكرن، بهلێ دڤێت ئهڤ خزمهتێن پهروهدهرى ههمى بچن د خزمهتا تاكى كورد دا بۆ هندێ بۆ داهاتى بهربابهك ئاڤا دورست بیت و مللهتهك ههست ب بهرپرسایهتى بكهت و ههلسهنگاندنا رهفتار و كریارێن خوه بكهت. بۆ مانا جڤاكهكى ساخلهم.
