حوكمه‌تێ بهێنڤه‌دانا سه‌رێ سالێ راگه‌هاند
ئه‌ڤرۆ:
حوكمه‌تا هه‌رێما كوردستانێ بهێنڤه‌دانا سه‌رێ سالێ راگه‌هاند و خویا كریه كو حه‌فت رۆژ بهێنڤه‌دانا فه‌رمی نه ل هه‌موو دام و ده‌زگه‌هێن حوكمه‌تا هه‌رێما كوردستانێ.
فه‌رمانگه‌ها میدیا و زانیاری یا حوكمه‌تا هه‌رێما كوردستانێ د راگه‌هاندنه‌كێ دا ئاشكرا كریه، ب هه‌لكه‌فتا هاتنا سه‌رسالا نوو یا زایینی هه‌ر ژ رۆژا 25/12/2021 هه‌تا 1/1/2022 بهێنڤه‌دانا فه‌رمی یه ل هه‌موو دام و ده‌زگه‌هێن حوكمه‌تا هه‌رێما كوردستانێ و رۆژا 2/1/2022 ده‌واما فه‌رمی ل هه‌موو دام و ده‌زگه‌هێن حوكمه‌تا هه‌رێمێ دێ ده‌ست پێكه‌ت.
فه‌رمانگه‌ها میدیا و زانیاری یا حوكمه‌تا هه‌رێما كوردستانێ دیار ژی كریه كو ل هه‌موو ناڤه‌ندێن خواندنێ یێن حكومی و نه‌حكومی ژی دێ بیته بهێنڤه‌دان، ئه‌ڤه ژی د ده‌مه‌كی دایه، كو به‌ری نوكه وه‌زاره‌تا په‌روه‌ردێ راگه‌هاند بوو، ب تنێ 25/12/2021 و 1/1/2022 دێ بنه بهێنڤه‌دان بۆ قوتابیان.
