حوكمه‌ت شیرێ زارۆیان ب نیڤا بهایێ بازاڕی دێ به‌لاڤ كه‌ت

حوكمه‌ت شیرێ زارۆیان ب نیڤا بهایێ بازاڕی دێ به‌لاڤ كه‌ت

52

هه‌ولێر، قائید میرۆ:

بڕیاره‌ شیرێ فره‌نسی ب نیڤا بهایێ بازاڕی ب رێیا بریكارێن ئاهێن خوارنێ بهێته‌ به‌لاڤكرن و رێڤه‌به‌رێ گشتیێ بازرگانیا هه‌رێما كوردستانێ ژی ئاشكرا كر، هه‌ر خێزانه‌كا بڤێت دێ شێت شیرێ فره‌نسی ب نیڤا بهایێ بازاڕی وه‌رگریت.

نه‌وزاد شێخ كامل، رێڤه‌به‌رێ گشتیێ بازرگانی ل وه‌زاره‌تا بازرگانیا حوكمه‌تا هه‌رێما كوردستانێ‌ بۆ رۆژناما ئه‌ڤرۆ دیار كر، وه‌زاره‌تا بازرگانیا ئیراقێ بڕیار دایه‌ شیرێ زارۆكان یێ فره‌نسی ب نیڤا بهایێ بازاڕی ل سه‌ر وه‌لاتیان به‌لاڤ بكه‌ت، ئه‌ڤه‌ ژی بۆ سڤكرنا ئه‌ڤی بارگرانه‌ یێ‌ ل سه‌ر وان خێزانان هه‌ی، یێن زارۆیێن وان شیری دخۆن و گۆت: “ئه‌و شیرێ به‌لاڤكرنێ ژ باشترین جۆره‌ بناڤێ دوڤیلاك یێ فره‌نسی و ل گوره‌ی زانیاریێن وه‌زاره‌تا بازرگانیا ئیراقێ ل بازاڕی بهایێ ئه‌ڤی جۆرێ شیری 10 هزار دینارن و ب رێیا بریكارێن بازرگانی ب شه‌ش هزار دیناران دێ هێته‌ به‌لاڤكرن”.

نه‌وزاد شێخ كامل گۆتژی: “هێشتا بڕیار نه‌گه‌هشتیه‌ وه‌زاره‌تا بازرگانیا هه‌رێما كوردستانێ و هه‌رده‌مێ بڕیار گه‌هشته‌ مه‌ بفه‌رمی، ئه‌ڤه‌ دێ چاڤدێریا بازرگانی ل بازاڕی پرسیار كه‌ت، ئه‌گه‌ر ده‌ركه‌فت ب نیڤا بهایێ بازاڕیه‌، ئه‌ڤه‌ دێ ئه‌م ژی به‌لاڤ كه‌ین، هه‌ر خێزانه‌كا زارۆك هه‌بن و پێدڤی ب شیری هه‌بیت دشێت چه‌ندی بڤێت وه‌ربگریت و ب نیڤا بهایێ بازاڕی، بڕیار نه‌چاری نینه‌، ئه‌گه‌ر خێزانه‌ك بخوازیت وه‌رنه‌گریت ئاساییه‌”.

کۆمێنتا تە