حوكمهت و سركرنا ئهنجامین گشتپرسیێ
یا پیدڤی بوو ل سهر كۆمسیوونا ههلبژارتن و راپرسیێ ل ههرێمێ پشتى پێداچوون ل سهر تانهلیدانێ ئهوێن بۆ هاتینه ئاراستهكرن ل دۆر پرۆسا دهنگدانێ و پهسهندكرنا ئهنجامێن ریفراندۆمێ و ژنافبرن یان دوبارهكرنا وێ ـ وهكى دۆخێن سهختكرن ـ و پاشی هنارتنا وان بۆ جڤاتا بلند یا دادوهری ل ههرێمێ بۆ پهسهندكرنا ئهنجامێن دووماهیێ و هنارتنا وان بۆ لایهنێن پهیوهندیدار ـ حوكمهت ـ ژبۆ مهرهما كارپێكرنێ.
ژ بهر ڤی بارودۆخێ ههستیار ئهوا ههرێما كوردستانێ و عیراق و دهڤهر تێدا دبۆریت، پێدڤى بوو حوكمهتا ههرێمێ ل گهل پهرلهمانێ كوردستانێ ـ خودێ ژیێ وى درێژبكهت ـ كۆمببیت ژبۆ كفتوگۆكرن ل سهر چاوانی و میكانیزما كاركرن ب ئهنجامێن راپرسیێ.
ل بهر رۆناهیا خواندنا روودان و ئهو فشارێن نێڤدهولهتی و ههرێمی و ناڤخوهی دا كارهكێ لۆژیكی بیت ههردو ب ههڤرا گههشتبان بریارا سڕكرن (تجمید) یان ههلپهسراندنا ئهنجامێن ریفراندۆمێ بۆ ماوهكێ دهستنیسانكرى ب مهرهما دانا دهلیڤهكێ ب دباوماتكار و لایهنێن دانوستاندكاره د ناڤبهرا حوكمهتا ههرێمێ و حوكمهتا ئیتحادی بۆ دیتنا رێكێن سهركهتن و باوهرپێكرى بۆ چارهسهركرنا كێشه و ناكۆكیێن ههلاویستی د ناڤبهرا ههردو لایانان دا ل دووڤ بهندێن دستووری و روحا وى.
كه واته ژ لایێ یاسای ڤه، نابیت حوكمهتا ههرێمێ ب تنێ رێكێ ب خوه بدهت ژبۆ سركرنا ئهنجامێن ریفراندۆمێ بێ زڤرین بۆ پهرلهمانێ كوردستانێ ـ پێدڤی بوو ههردو لایهن حوكمهت و پهرلهمان ـ ب ههڤرا داكۆكی و فۆكسا خوه خستبا سهر ناڤهرۆكا ریفراندۆمێ بێ دهستكرن د فۆرمێ وێ دا.
ب واتایهكا دیتر پێدڤی بوو ل سهر ههردوكا ـ حوكمهت و پهرلهمان ـ پێكڤه گۆتبا: ئارمانج ژ ئهنجامدانا ریفراندۆمێ ژبۆ زانینا بیرورایێن خهلك و گهلێ كوردستانێ بوویه، ل دۆر ئایندێ پهیوهندیكرنا ههرێمێ ب عیراقێ ڤه و سهربخوهیا وێ، ئانكو پرۆسا راپرسیێ ژبۆ ناڤخوهیبوو، نه ئاراستهى هیچ لایهنهكێ دیتر بوو، ب ڤى دهستهواژهى ههمی بههانهیهك د دهستێ حوكمهتا ئیتحادی و هێزین وێ یێن سیاسی دا كهڤن. بۆ زانین ئهڤ تێكئالۆزى و ڤێككهفتنا قانوونی و فیقهی ژ ئهنجامێ نهبوونا یاسایهكا تایبهته ژ لایی پهرلهمانێ كوردستانی ل دۆر ئهنجامدانا راپرسیێ ل ههرێما كوردستانێ بوویه.
