حوكمەتا ئیراقێ بریاردایە دەرگەهێ كەمپان بگرت
لەزگین جوقی
بریارا گرتنا دەرگەهێ هەموو كەمپێن ئاواران ژلایێ حكومەتا ئیراقێ ڤە هاتیە دان، ئەڤ سالە ل هەیڤا شەش چاڤەرێ یە كەمپ بهێنە دائێخستن و ئاوارە ڤەگەرنە سەر جه و مالێن خۆ و ئەندامەكێ پەرلەمانی ژی گۆت: خەلكێ شنگال دڤێت ڤەگەرن، لێ خەلك ژبەر نەبوونا خزمەتگوزاریان و خرابیا رەشا شنگال نەشێن ڤەگەرن، پێدڤیە هەڤكاریا خەلكی بهێتە كرن، هەتا ئاوارە بشێن ڤەگەرن و ئەركەكە ل سەر حوكمەتا ئیراقێ ئاواران ڤەگەرینیت.
مەحما خەلیل، ئەندامێ جڤاتا نوونەرێن ئیراقێ راگەهاند، دگەل دائێخستنا كەمپێن ئاواران پێدڤیە وەزارەتا كۆچ و كۆچبەران ل ئیراقێ بهێتە هەلوەشاندن و ل شوونا وەزارەتا كۆچ و كۆچبەران دەستەیا كۆچ و كوچبەران بهێـتە پێكئینان و پرسیارا چارەنڤیس و رەوشا خەلكێ ئیراقێ بكەت یێن كۆچبەری دەولەتان بووین، هەروەسا ژی خەلكێ زەرەرمەند هەموو بهێـنە قەرەبوو كرن و ئاڤەدانیێ ل شنگال دەست پێ بكەت و رەوشا شنگال خۆش بیت، هەموو گرۆپێن نە شەرعی ژناڤ شنگال بهێنە دەرئێخستن و پرۆژە ل شنگال بهێنە بجهئینان».
ئاشكەرا كر، ل شنگال هژمارەكا زۆر یا خانیێن وەلاتیان خراببووینە و پێدڤیە هەڤكاریا خەلكێ بهێتە كرن هەتا بشێن ڤەگەرن، مە ژی دڤیت ئاوارە ڤەگەرن، لێ هەكە رەوشا شنگال باش بیت و مەترسی ل سەر ژیانا خەلكی نەمینیت و تەناهی هەبیت».
مەحما خەلیل گۆت ژی: بەری حوكمەتا ئیراقێ بریارا دائێخستنا كەمپێن ئاواران د ئەڤ سالە دا بدەت رێككەفتنەك دگەل حوكمەتا ئیراقێ هاتبوو كرن ب سەرپەرشتیا نەتەوێن ئێگكرتی، ئەڤ رێككەفتنە كلیلا چارەسەریا رەوشا شنگالێ بوو، مە رێز بۆ بریارێن بەغدا هەیە، لێ پێدڤیە حوكمەتا ئیراقێ رێككەفتنا شنگال بجهبینیت».
تەكەستكر، وەزارەتا كۆچ و كۆچبەرێن ئیراقێ گوژمێ 180 ملیار دیناران وەرگرتینە، پتریا وان پارا بۆ گەندەلیێ و بەرژوەندیا سیاسی هاتیە مەزاختن، ئەم دخوازین وەزارەتا كۆچ و كۆچبەران نەمینیت و دەستەیا كۆچ و كۆچبەران بۆ دووڤچوونا خەلكێ ئیراقێ ژ دەرڤەی وەلاتی بهێتە پێكئینان و پتر ژ سێ هەتا چوار ملیۆن كەسێن ئیراقی ژ دەرڤەی وەلاتی خۆ هەنە، ئەو ژی خەلكێ ئیراقێ نە و وەسا چاڤەرێ یە 30 هزار كەسێن ئیراقێ ژ دەولەتێن ئەوروپی ڤەگەرنە ئیراقێ و مافێ خەلكی یێ بەرزەیە و د دەستێ وەزارەتا كۆچ و كۆچبەرین ئیراقێ دا».
مەحما خەلیل راگەهاند، خەلكێ شنگال دڤێت ڤەگەرن، لێ خەلك ژبەر نەبوونا خزمەتگوزاریان و خرابیا رەشا شنگال نەشێن ڤەگەرن، پێدڤیە هەڤكاریا خەلكی بهێتە كرن، هەتا ئاوارە بشێن ڤەگەرن و ئەركەكە ل سەر حوكمەتا ئیراقێ ئاواران ڤەگەرینیت، لێ ل دەستپێكی پێدڤیە رەوشا شنگال خۆش كەت هەتا نوكە بەغدا خەلكی شنگال قەرەبوو نەكریە ئەڤە بەلگەیە خەلكەك ناهێنە قەرەبووكرن، دا كو ناڤەگەرنە شنگالێ گەلەك گەندەلیێ و رۆتین دوسەیا قەرەبوویا خەلكی دا هەیە، ئەم دێ ل سەر ڤێ دوسەیێ كاركەین و ناهێلین زێدەگاڤی ل سەر مافێ خەلكێ شنگال بهێتە كرن».
