حوكمەتا ئیراقێ دێ پانزینێ بۆ هەرێما كوردستانێ هنێریت
هەولێر، قائید میرۆ:
جێگرێ سەرۆكێ لیژنا نەفت و غازێ ل پەرلەمانێ ئیراقێ ئاشكرا كر، ڤێ حەفتیێ دێ بەغدا 50 ملیۆن لێترێن گازا سپی بۆ هەرێما كوردستانێ هنێریت و بڕیارە پشتی گازێ پانزینێ ژی بهنێریت.
دكتۆر سەباح سوبحی، جێگرێ سەرۆكێ لیژنا نەفت و غازێ ل پەرلەمانێ ئیراقێ بۆ رۆژناما ئەڤرۆ دیاركر، وان سەرەدانا وەزارەتا نەفتا ئێراقێ كریە و گۆت: «بڕیارە ڤێ حەفتیێ 50 ملیۆن لێترێن گازا سپی ژ لایێ حوكمەتا ئیراقێ ڤە بۆ هەرێما كوردستانێ بهێنە هنارتن و ل سەر وەلاتیان بهێتە بەلاڤكرن، چونكی هەرێما كوردستانێ پلەیێن گەرمێ زێدەتری دەڤەرێن دی یێن ئیراقێ نزم دبن و پێدڤی ب گازا زێدەتر هەیە».
دكتۆر سەباح سوبحی گۆتژی: «مە داخوازكریە پانزینا حوكمەتێ ژی بۆ پارێزگەهێن هەرێما كوردستانێ بهێتە هنارتن، بەلێ نوكە ئیراقێ قەیران هەیە و هندەك پارزنگەهێن وان دهێنە سەخبێركرن، لێ سۆزدایە ئەگەر ئاریشە ل پارێزگەهێن دی یێن ئیراقێ چارەسەربوو، پانزین بۆ هەرێما كوردستانێ ژی دێ هێتە هنارتن».
