حوكمەتا ئیراقێ دەمێ دانوستاندنێ ب دەلیڤە دزانی بەرانبەری پێشمەرگەی خوە ل سەر پیێن خوە بگریت
دیدار، سالار محەمەد دۆسكی:
و (سمائیل) ژی ب ساخی گرت ئەڤە هەر دو پسمامێن من بوو و زێدەباری گرتنا (14) گوندیان ب ساخی و قوتان برینە و هەمی حوكمەتێ برن ل گەل جەنازەی و قەدەمێن من شكەستن وەكی من گول ڤی دەنگ و باسی بووی و هەمان دەم من دیت ل لایێ دی دەنگێ گازیەكێ هات و گۆتن وەرەن ئەڤە بریندارەكە و هندی مرۆڤ شەهید و بریندار بووین وەكی ڤی مرۆڤێ دێ بەحس كەم دێ من پێ نەسوتی یە و من تڤەنگا خوە هەلگرت دیف دەنگی را چووم ژ (ئەلكیشكێ هەتا زێوكا كەندالا) لدیف دەنگی چووم بەری زێوكێ گورستانەكا وێرێ و كانیەكا ئاڤێ وێرێ یە و چووم جەنازەكێ درێشكریە و من گۆتێ هەوە خێرە یێ بێژیت ئاڤێ بدەنە من و گۆت یێ بریندار بووم و ب برینا خوە گەلەكێ تێهنی بووم و هاتیمە هەتا سەر كانیكێ و گەلەك ئاڤ من ڤەخواریە و بتنێ ئاڤێ بدەنە من، من گۆتێ تویێ شكی گۆت باجلوری مە و ناڤێ من (یسف)ە گۆت نەیێ عاجزم هاتمە كوشتن، یێ عاجزم من دڤیا ببامە پێشمەرگە و بێمە كوشتن و من دڤیا بۆ مللەتێ خوە بێمە كوشتن و دلێ من سوت و گۆت دەمێ رەمی ل هەوە هاتیە كرن ئەز ل مالا خویشكا خوە بووم یێ نڤستی بووم و ئێكسەر ژ خەوە راب بووم و هاتمە نێزیكی هەوە و هاتم هەڤالێ هەوە یێ بریندار بوو و هاتم دا تڤەنگێ ژێ وەرگرم گۆتی تڤەنگێ نا دەمە تە و گۆت هەرە خوە قورتال كە و گۆت چەند پێنگاڤا هاتم قەناصە ب ناف ملێت من كەفتیە و ئەم ماین و ئەف كابرایە هارب بوو و شەهید بوو و دلێ من گەلەك ما پێڤە .
هەمان پێشمەرگەیێ هەر دو شۆرەشێن ئیلۆن و گولانێ گۆت: نێزیكی مەغرەب مە دیت شەهید (تاهر زێوەی) هات و من خوە ل گەل عاجز كر و من گۆتێ هوون كیڤە بوون و پسمامێ منێ گرتی شەش هەیڤان ما ل زیندانێ و دووڤ دا بریارا سێدارەدانێ بۆ دەرچوو و دووف دا لێبورینێ ژێ گرت نوكە یێ ساخە.
هەمان پێشمەرگە بەحسێ هەوا ئەنفالان دكەت و گۆت: دەمێ ل سالا 1988ێ ئەم ل دەڤەرا بەرێ گارەی بووین و هەمی خێزان و زارۆك مە هنارتن كو خوە رادەستی حوكمەتێ بكەن و ئەم جارەكا دی ڤەگەریاین و هاتینە دەڤەرێ هندەكا گۆتن دێ چینە توركیا و دێ دەربازبین بۆ ئیرانێ و دووڤ دا سەدامی لێبورینەك بۆ ماوێ هەیڤەكێ دەركر و چەند رۆژ ژ لێبورینێ مان و دووڤ دا مە خوە رادەستی حوكمەتێ كر و ل
گەل زارۆكێن خوە چووینە بەحركێ و دیف دا حوكمەتێ بریارەك دا كو هەر كەسەكێ ئازادە بچیتە ئەوان دەڤەرێن حوكمەت تێدا بژیت درستە و بەری سەرهلدانێ ب چەند هەیڤان من مالا خوە ئینا باژێرێ دهۆكێ و مژوویلی ژیانا رۆژانە بووم بۆ زارۆكێن خوە و رۆژەكێ (براهیمێ عەلی) گازی من كر و بەری (براهیم) گازی من بكەت(سەعدی زاویتەی) چەند هەڤال بەردەوام چوونە دیوانا وی و ئەوا تشتەك زانی و ئەوان هەڤالان گۆتە من دێ (براهیمێ عەلی) دێ گازی تە كەت و پاش هەرە و ئەگەر چ بێژیتە تە (براهیم) بێژە بلا و چووم گۆت مە هندەك چەكێ زێدە هەیە و ما دێ چەكێ زێدە ل مال چ كەت؟ كا تە چەند چەك دڤێت ل گەل خوە بە دێ هەو جەی ئێكو دبین و گۆتە من تە چەند چەك دڤێت من ژی گۆتێ (10) كلاشینكوف و قادیفەكێ بدە من و من ئینانە مال و دەمێ بوویە سەرهلدان خال هاتنە دەست نیشانكرن و هاتمە گازیكرن و گۆتن فلان جهێ تەیە و ئەم ژی دبەرهەڤ بووین و چاڤەرێی ڤێ رۆژێ بووین، بارەگایەكێ جێش شەعبی نێزیكی نەخوشخانا سەدام بوو نەخوشخانا نوكە دبێژنێ ئازادی و گۆت بارەگایێ جێش شەعبی ئەز بوو هاتبوومە راسپاردن و پولیسێن نەخوشخانێ ژی، بارەگایێن جێش شەعبی مە تڤەنگ ژێ ستاند 11 كەس بوون و پولیس ژی مە دەست سەركرن و گەلەك یا خوش بوو ئەوێ رۆژێ چونكە سترانێن شڤان پەروەری ل سەر بوون و ئەوان نوژدار و برین پێچا بریندار دەرمان دكرن و چ تشتێ هوسا یێ خوش من نەدیتی یە وی دەمی گەلەك كەیفا من هات ب سەرهلدانێ، پشتی من ئەركێ خوە ب دووماهی ئینای زڤریمە دەف (براهیمێ عەلی) و هاتم (خالد بانی) یێ روینشتی یە و (خالد) گۆت ئەڤە هات و من زانی ئەوا تشتەكێ گۆت و گۆتن نوكە دێ چیی د.(كەمال كەركوكی) ئینی وی دەمی بەرپرسێ لقێ ئێك بوو و بارەگایێ وی ل پشت دەڤەرا نێروە و رێكان بوو و من گۆتێ بۆچی بتنێ گۆت نابیت دڤێت تو بچی و ترۆمبێلەك ئینا چوومە سەرسنگ شەڤ بوو و گەهشتمە سیلاڤێ هێشتا زالگەهـ گرتینە و رێك نەبوو چەندەك مابوون و گۆتن زالگەهـ كەتە دەستێ پێشمەرگەی من گۆتێ دروستە ئەزدێ چم و گەهشمە چەمێ جیی و د.(كەمال كەركوكی و غەنی) ل وێرێ بوون و شنی كارێ خوە دكرن دا هێنە شێلادزێ و (غەنی) بەرپرسەكێ ئێكەتیێ بوو و هەر دو ل گەل ئێك من ئینان و هاتینە شێلادزێ و هاتینە ئامێدی (غەنی) ما ل ئامێدیێ و د.(كەمال كەركووكی) نەهی شەڤێ گەهاندە مالا (براهیمێ عەلی) ل دەمێ چوونێ بۆ دەف (د.كەمال كەركوكی) ل تاژیكا نێزیك ئاشەوا مە تەماشەكرێ (11) جندی ل گەل ئەفسەرەكی یێ دهێنە خوارێ و ئەز و شوفێر بتنێ بووم و هەمی ب چەك بوون و ئەم راوستاین و مە گۆتێ چەكێ خوە دانن و گۆتن بەختێ (مەلا مستەفا)ی من گۆتێ چەكێ خوە بدانن و وەرن و هاتن مە تەفتێشكرن و مە هەر (12) تڤەنگ هافێتنە ترۆمبێلێ دا و زڤرین.
هەمان پێشمەرگە گۆت: هەر دەمەكێ دانوستاندن دناڤبەرا حوكمەتێ و سەركردایەتی یا كوردستانێ دروست بوون و مافێن كوردان دهاتنەدان بۆ مللەتێ كورد كەیفا مە گەلەك دهات وتەناهی و ئارامی چێ دبوو، هیڤیا مە ئەو مللەتێ كورد ب سەركەڤیت و بەرپرسێن مللەتێ كورد دەستێن خوە بكەنە ناڤ دەستێن ئێك دا و ئێكرێزیا مللەتێ كورد دروست بیت و كەسانێن زەحمەت دیتی لێ بزڤرنە ڤە چونكە گەلەك زحمەت دیتی یە و هەنە گەلەك ماندیبوون دیتی یە و نوكە شەرم ژ زارۆكێن خوە دكەن كو بێژن مە پێشمەرگاتی كریە.
هەمان پێشمەرگێ شۆرەشا ئیلۆن و گولانێ گۆت: ل شەرێ دژی ترۆرستێن داعش (شێخ عەلو و خالد بانی ) گازیكرم بۆ چەپەرێن پێشمەرگەی وی دەمی یێ خانەنشینكری بووم و چوومە شەرێ داعش و دو سالان من بەرگێری ژ ئاخ و كەرماتا كوردستانێ ل دژی تیرۆرستێن داعش كریە.
ل دووماهیێ هەمان پێشمەرگە گۆت: داخازێ ژ سەركردایەتی یا مللەتێ كورد كەم دەستێ خوە بكەنەدناڤا ئێك دا و خزمەتا گەل و وەلاتێ خوە بكەن و ئەف كەسێن زەحمەت و ماندیبوون دیتی نەهێنە ژبیركرن و ڤی مللەتی گەلەك ماندیبوون و رەزالەت دیتی یە سەخمراتی پاراستنا ڤێ ئاخێ و گرنگە خوینا ئەڤان شەهیدان و ماندیبوونا ئەڤان پێشمەرگەیان نەهێتە ژبیركرن.
