حوكمەتا ئیراقێ دەمێ دانوستاندنێ ب دەلیڤە دزانی بەرانبەری پێشمەرگەی خوە ل سەر پیێن خوە بگریت
دیدار، سالار محەمەد دۆسكی:
هەمان پێشمەرگە گۆت: ل دەمێ بەیانا 11ی ئادارێ سالا 1970 حوكمەتا ئیراقێ یا وی سەردەمی هەر هێزەكێ 500 پێشمەرگە كربوونە زێرەڤانێن سنوری و هەیڤانە هەر پێشمەرگەی (13) دینار ژلایێ حوكمەتا ئیراقێ ڤە بۆ هاتبوونە دابینكرن وی دەمی مال بێ منەتی دهاتە خودانكرن و تشتێ ئەرزان بوو و ژیان گەلەك بخوشی تێدا دەرباز دبوو.
عەلی گابێركی، پێشمەرگێ هەردو شۆرەشێن ئیلۆن و گولانێ ئەو ژی نە ڤەشارت و گۆت: ل سالا 1974ێ دانوستاند بوون دناڤبەرا سەركردایەتی یا كوردستانێ و حوكمەتا ئیراقێ دا وی دەمی (حسو میرخان) گازی من كر و گۆت وەرە ئەڤە عەردێ باژێرڤانیێ یە بخوە ئاڤا بكە و من بخوە ئاڤاكر وی دەمی قائیمقامەك ل شێخان بوو و خەلكێ دەڤەرێن سوران بوو دگۆتنێ (حاجی رەسول) بەعسیەكێ گەلەكێ پیس بوو، فەرمانكر و پولیس و باژێرڤانی هنارتنە خانیێ من خراپكر، (حسو) گۆت ئاڤا بكە وی دەمی كاودانێن مە و بەغدا گەلەك تێكچوون و من ژی هزرێن خوە كرن ئەگەر ئاڤا بكەمە ڤە و مەزاختیەكێ دی ب مەزێخم هەما من هێلا تێكدا و هەمان دەم (خالد بانی) ژی بخوە پارچەك ئاڤا كرربوو و یێ وی ژی ما هوسا و هەتا نوكە وی ئاڤا نەكربوو، ل سالا 1975ێ دەمێ نكسویێ مە خوە رادەستی حوكمەتێ كر و بەعسی كەفتنە ناف مللەتی دا و ئەف گوندێن دكەڤنە سەر سنوران هەمی دەرخستن و گوندێن نێزیكی عەرەبان وەك دەشتا سلێڤانەی یا و مزیری هەتا مێربا ژی قەسرۆك هەمی دەرخستن و عەرەب ئینانا جهێ وان و ئەمن و ئسخبارات كەفتنە دناڤا خەلكی دا و موختار دانان بۆ گەهاندنا پێزانی نا و یێ كار بۆ نەكربا دا ئێكێ دی دانان وی دەمی كاودانێن خەلكی تێكچوون و گەلەك بەرپرسێن پێشمەرگەی دەرخستنە باشورێ ئیراقێ و خەلك بڤی رەنگی ما هەتا سەركردایەتی یا بەروەخت هاتیە پێكئینان.
عەلی گابێركی، بەحسێ رۆژانێن نەخوشێن ژیانا خوە دكەت و تایبەت ل سالا 1975ێ دەمێ نسكویێ و خوە رادەستكرنا چەكی بۆ حوكمەتێ و گۆت: ئەەم نێزیكی 300 پێشمەرگا بووین وەك هێزا شێخان و ئەم ژ بارەگایی دەركەفتین و چووین دا خوە رادەستی حوكمەتا بەعس بكەین و سەرێ مە هەمیا یێ چەماندی بوو و هاتین بۆ ئەتریش و خالەكا بەعسیا درێكێ دا بوو و هەر كەسەكێ ب سەر دكەفت دو جندی درێكێ دا بوون دا بێژن تڤەنگێ ب هاڤێژە دا هاڤێژینە سەر كوما تڤەنگان دا بێژن هەر و دا سەرێ خوە چەمینن و چووین و گەلەك یا نەخوش بوو ئەڤە چوو دلێ من دا و من نەشیا گەلەك بمینم، پشتی بورینا ماوەكی ل گەل (خالد بانی) ل گەل چەند زاویتەی یا پشتی نسكویێ مە بخوە هاڤالینیەك دروست كر و هێشتا سەركردایەتی یا بەروەخت دروست نەب بوو و هەمان دەم چەكێ ڤەشارتی ژی هەبوو و گەلەك جاران مە كار پێ دكر و مە رەشە بۆ حوكمەتێ دروستكر و مە دهاڤێـە هندەك عەردان و ئەڤە مە بۆ حوكمەتا بەعس دیاركر كو تشتەكێ هەی و ئەمێن هەین و پشتی بورینا چەند هەیڤان چوومە ناڤ سندی یا وی دەمی كەسەك هەبوو بناڤێ(تێلو گویی) خوە رادەستی حوكمەتێ نەكربوو و نەچووبوو تروكا ژی و مابوو چیایی و گەلەك جاران چووین و مە پەیوەندی پێ دكر كا چ هەیە و نینە ئەو خەلكێ باكورێ كوردستانێ بوو و پێشمەرگە بوو ل كوردستانا مە و دەمێ بوویە نسكۆیا سالا 1975ێ چوو ئەوا گوندا و ما قاچاغ و چووینە دەف و بهێنا مە دهات و جارەكێ مە سەرەدان بۆ كر وی گۆت دێ مزگینیەكێ دەمە هەوە و گۆت سەركردایەتی یا بەروەخت هاتیە دروستكرن و هەر دەڤەرەكێ كادرەك بۆ هاتیەدانان وی دەمی شنی (مەحمود ئێزدی) بۆ دەڤەرا شێخان هات ل گەل (عادل مزیری) دووڤ دا (عادل مزیری) چوو ئاكرێ و (مەحمود ئێزدی) ما ل شێخان وی دەمی گرۆپێ مە دروست بوو و هەر زی پەیوەندی ب مەكر و مە چەك هەبوو و مە هاریكاریا وی كر هەتا كاودان بەرفرەهتر لێ هاتن، وی دەمی حوكمەتا ئیراقێ مەفرەزێن مغاویرا دروست كربوون و كادرێن حزبێ ل هەمی دەڤەرێ بەر بەلاڤ بوون و هەر كادرەكێ هاتیە دەست نیشانكرن بخوە مەفرەزەكا (10) نەفەری بخوە چێكربوو و ئەوان كادرێن هاتینە دەست نیشانكرن زێدەتر كارێ رێكخستنێ دكر و هێدی هێدی زێدەبوون و ئەو مەفرەزێن مغاویرا ب شەف و رۆژ ب دیف ئەوان (10) نەفران ڤە بوون و ئەو ا ژی پێزانین هەبوون كو پێشمەرگە جارەكادی ڤەگەریایە دەڤەرێ.
پێشمەرگێ هەر دو شۆرەشێن ئیلۆن و گولانێ ئەو ژی گۆت: خودێ ژێ رازی (حامد بالێتەی) دەمێ بوویە نسكۆیا سالا 1975ێ وی خوە رادەستی حوكمەتا بەعس نەكر وی و برایەكێ وی و دو برازا هەبوون زەلام زارۆكێن خوە برن چوونە سپیندارێ گوندەكی دبێژنێ (بارەدینكێ) یێ(ئەحمەد میرخان) بوو ئەو (ئاغایێ بەرواری) یا بوو كو دبیتە خالێ (لەتو زێباری) گۆند یێ سوتی بوو، چوون گوندی ئاكنجی بوون و هندەك ئاژەل خوە دانكرن و هەتا (محمود ئێزدی) هاتی و دەمێ هاتی مالێن خوە ل گەل (مەحمود ئێزدی)برن و چوونە دەڤەرا بەرێ گارەی و ئەو هەر پێنچ بوونە پێشمەرگە ل گەل خودێ ژێ رازی (مەحمود ئێزدی) و دووڤ زێدەبوون و هەتا نێزیكی (15) پێشمەرگا لێ هاتن.
هەمان پێشمەرگێ شۆرەشا ئیلۆن و گولانێ عەلی گابێركی گۆت: ل گەلیێ قیامەتێ جارا ئێكێ بوو ل شۆرەشا گولانێ پێشمەرگە ب هاڤێتە رەبیەكێ و جندی تێدا بهێنە كوشتن و ڤێ چالاكی یا پێشمەرگەی گەلەك دەنگڤەدا و گەلەك مرۆڤ هاتنە گرتن و كەیفا خەلكی هات و هیڤی بۆ دروست بوونە ڤە و زانی پێشمەرگە هاتیە دەڤەرێ ڤە.
ل دور جوداهی یا خەباتێ دناڤبەرا هەر دو شۆرەشان دا ناڤبری گۆت: ل شۆرەشا گولانێ گەلەك وەستیام نەخوشتر بوو ژ شۆرەشا ئیلۆنێ، چونكە دەمێ (مەحمود ئێزدی) هاتیە دەڤەرێ ئەو رێكخستنا مە ئەنجام دا بەرامبەر هەر دو شورەشان بوو و هەمی كارێ نهێنی بوو و نەشیاین چ كارێن نهێنی بكەین وی دەمی حزبیاتی گەلەك یا شرین بوو ل دەف مە و دەمێ بەرپرسەكێ حزبی دهات كەیفا مە گەلەك دهات و مە هزر دكر كو دنیا هەمی یا مەیە و مە ئاگەه ژ وێ چەندێ نەبوو كو بچم دێ حوكمەت مە سێدارە دەت و هەما دێ چم هاتمە سێدارەدان بلا و مە ئاگەه ژ مرنێ نەبوو.
ل دور رۆژانێن خوەیێن نەخوش ل سەر دەمێ شۆرەشا گولانێ، هەمان پێشمەرگە گۆت: جارەكێ (خالد بانی) ل گەل پێشمەرگەكێ دی بناڤێ(محەمەد صالح ) چوونە مویسل و تێنتیەك برنە بارەگایێ گشتیێ مویسل و تێنتی نە پەقی و پشتی چووینە ئوتێلێ و تێنتی دەستێ(محەمەد صالح) دا پەقی و شەهید بوو و (خالد بانی) دەركەفت و ی دەمی گەلەك بۆ وی هەڤالێ خوە عاجزبووم.
پێشمەرگێ هەر دو شۆرەشێن ئیلۆن و گولانێ (عەلی گابێركی) ناڤێن چەندین شەران گۆتن یێ تێدا پشكدار ل هەر دو شۆرەشان و گۆت: هێرشا سپیندارێ شەرەكێ گەلەك مەزن بوو و گەلەك شەهید مە دان و بریندار هەبوون، شەرێ چیایێ خێرێ،
