حوكمەتا ئیراقێ 400 ملیار دیناران بۆ هەرێمێ دێ هنێریت
سەرۆكێ نوونەراتیا حوكمەتا هەرێما كوردستانێ ل بەغدا دیار كر، حوكمەتا ئیراقێ دێ 400 ملیار دیناران بۆ مووچەیێ فەرمانبەرێن هەرێما كوردستانێ هنێریت.
فارس عیسا، سەرۆكێ نوونەراتیا حوكمەتا هەرێما كوردستانێ ل بەغدا بۆ ئاژانسا خانی دیار كر، حوكمەتا ئیراقێ رازیبوون ل سەر هنارتنا 400 ملیار دیناران بۆ مووچەیێ فەرمانبەرێن هەرێما كوردستانێ دایە.
ناڤهاتی خویا ژی كر كو حوكمەتا ئیراقێ دێ وی گوژمەی ب قەر دەتە هەرێما كوردستانێ، داكو هەرێما كوردستانێ مووچەیێ فەرمانبەران پێ بدەت.
