حوكمەتا ئیراقێ 41 روفاتێن جینۆسایدا شنگالێ رادەستی كەسوكارێن قوربانیان دكەت
لەزگین جوقی:
نوونەرێ قوربانێن جینۆسایدا شنگالێ ل حەردان دیار كر، دوهی 22/1/2024ێ حوكمەتا ئیراقێ 41 روفاتێن جینۆسایدا شنگالێ ل بەغدا رادەستی دەستی كەسوكارێن قوربانیان كرن، پشتی ل بەغدا رێورەسمێن وان دهێنە كرن دێ هەمی روفات بەرەڤ نەینەوا هێن و ل رۆژا 24/1/2024ێ د رێورەسمەكی دا ل شنگالێ دێ هێنە ڤەشارتن.
حەسەن قاسم، نوونەرێ قوربانێن جینۆسایدا شنگالێ ل گوندێ حەردان راگەهاند، دوهی 41 روفات هاتنە رادەستكرن، پشتی ب دوماهی هاتنا رێورەسمان دێ هەر 41 روفات بەرەڤ نەینەوا هێن و ل رۆژا 24/1/2024ێ ل شنگالێ دەست ب رێورەسمێن ڤەشارتنا هەر 41 روفاتێن جینۆسایدا شنگالێ دێ هێتە كرن، كو ل سالا 2014ێ ژ لایێ تیرۆرستێن داعشێ ڤە هاتبوونە گوللەبارانكرن.
ناڤهاتی گۆت: “ژ سوان 41 روفاتان 16 خەلكێ گوندێ حەردانن و 14 ژی خەلكێ گوندێ كۆچۆنە روفاتێن دێ ژی خەلكێ شنگالێ نە ب شێوەیەكێ هوڤانە ژ لایێ تیرۆرستێن داعش ڤە هاتبوونە كوشتن و د ناڤ گۆڕێن ب كۆم دا هاتبوونە ڤەشارتن، پشتی گۆڕێن ب كۆم ل حەردان و كۆچۆ هاتینە ڤەكرن و پشكنینا DNA هاتیە كرن ناسنامەیێن هەر 41 روفاتێن قوربانێن جینۆسایدا شنگالێ ئاشكرابوون”.
