حوكمەتا ئیراقێ گازا سپی بۆ ئاوارەیان دابین ناكەت
دهۆك، لەزگین جۆقی:
رێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ راگەهاند، هەتا نوكە حكومەتا ئیراقێ گازا سپی بۆ ئاوارەیان دابین نەكریە و دبێژیت: د مەها 10 یا سالا بۆری دا ب فەرمی مە نڤیسارەك بۆ دابینكرنا گازا سپی بۆ ئاوارەیان ئاراستەی حكومەتا ئیراقێ كریە.
دەیان پیر جەعفەر، رێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ بۆ رۆژنامەیا ئەڤرۆ گۆت: «هەتا نوكە پتر ژ 20 هزار مالباتێن ئاوارەیان د ناڤ كەمپان دا ل سنۆرێ پارێزگەها دهۆكێ و ئیدارا سەربخۆ یا زاخۆ ئاكنجینە و نەشیاینە ڤەگەڕنە سەر مالێن خۆ، مە داخواز ژ حكومەتا ئیراقێ كریە، گازا سپی بۆ ئاوارەیان دابین بكەت، لێ هەتا نوكە وەزارەتا نەفتا ئیراقێ گازا سپی بۆ ئاوارەیان دابین نەكریە».
