حوكمەتا هەرێمێ دێ دو بەرهەمێن دی یێن جۆتیاران هنێریتە دەرڤە
د بەردەوامیا هنارتنا بەرهەمێن خۆمالی یێن جۆتیارێن هەرێما كوردستانێ بۆ بازارێن جیهانی و ب مەرەما پشتەڤانیكرنێ ل جۆتیاران، حوكمەتا هەرێما كوردستانێ دێ بەرهەمێن دی یێن خۆمالی هنێریتە بازارێن جیهانی.
فەرمانگەها میدیا و زانیاری یا حوكمەتا هەرێما كوردستانێ خویا كر، بەرهەمێ جۆتیارێن كوردستانێ ل دەرڤە دهێنە فرۆتن و وەزارەتا بازرگانی یا حوكمەتا هەرێمێ بەرنامە هەیە، ئەڤ سالە دوشاڤا تەماتێ و هنگڤینێ خۆمالی ژی بهنێریتە دەرڤەی هەرێما كوردستانێ.
وەكو دیار د كابینا نەهێ یا حوكمەتا هەرێما كوردستانێ دا، گرنگیەكا باش دایە كەرتێ چاندنێ و بەرهەمێ خۆمالی، ب مەرەما پشتەڤانیكرنا جۆتیاران ژی بەرهەمێ هناران و پتاتان بۆ دەرڤە دهێتە هنارتن و ئەڤ سالە ژی بڕیارە بەرهەمێ سێڤان و دوشاڤا تەماتێ و هنگڤینێ خۆمالی بۆ دەرڤە بهێتە هنارتن.
