حوکمەتا عیراقێ دێ پارچێن ئەردی ل شێخان دەتە عەرەبان
ئه‌ڤرۆ نيوز:
رێڤەبەریا باژێرڤانیا گشتی ل پارێزگەھا مووسل رەزامەندی بۆ 1400 لەشکەرێن عێراقێ دایە کو پارچێن عەردی ل سنورێ باژێرڤانیا شێخان تایێ مووسل بۆ بھێنە دابینکرن، بەلێ د نەخشەیێ باژێرڤانیا شێخان دا چو پارچێن ئەردی نەھاتینە دیتن.
ئەندازیار خالد نەرمو، سەرۆکێ باژێرڤانیا قەزا شێخان بۆ رۆژناما ئەڤرۆ دیار کر، چو پەیوەندی ب سەروکاتیا باژێرڤانیا شێخان ڤە نینە یا حکومەتا ھەرێما کوردستانێ بابەتەک گرێدایە ب باژێرڤانیا شێخان تایێ مووسل ڤە و رەزامەندی یا دایە لەشکەرێ عێراقێ ئەوێن ئاکنجیێن دەڤەرا شێخان یان خو جھێن دەڤەرێ یان دایک بۆ یێن دەڤەرێ نە. رەزامەندی وەرگرتیە کو پارچێن عەردی ل ڤێ دەڤەرێ وەرگرن و ژئالیێ ئیداری ڤە گرێدایە ب مادێ 140 ڤە و ھەتا نھا نەھاتیە ئێکلاکرن ژ ئالیێ کارگێری ڤە ژلایێ حکومەتا ھەرێما کوردستانێ دھێتە رێڤەبرن قائیمقامی و سەروکاتیا باژێرڤانیا شێخان ژی سەر ب ھەرێما کوردستانێ نە ژلایێ ئیداری ڤە رێڤەبەریا باژێرڤانیا سەر ب حکومەتا فیدرال ڤە سنورێ وان یێ پەسەندکری یێ باژێرڤانیێ پارچێن عەردی وان نینن یێن بەرھەڤ بۆ دابەشکرنێ نینن.
ناڤھاتی خویاکرکو ژبەر وێ چەندێ بەرسڤەک بۆ رێڤەبەریا گشتی یا باژێرڤانیا سەر ب مووسل ڤە لێبورین ڤە نەشێن پارچێن عەردی دابەش بکەن سەر وان وەلاتیێن رەزامەندی بۆ ھاتیە دان یێن لەشکەر سەرب حکومەتا عێراقێ ڤە کوپارچە ئەرد ل سنورێ باژێرڤانیا وان نە ل بەردەستن بۆ دابەشکرنێ رێڤەبەریا باژێرڤانیا مووسل دشێت جھەکێ دی وەکو دەشتا مووسل یان دەوروبەرێن مووسل بۆ وان دابین بکەت، ب تنێ ئەو دمینیت چارەسەری.
ناڤھاتی گۆت: ئەڤ رەزامەندیە بۆ باژێرڤانیا شێخان تایێ مووسل ھاتیە بۆ باژێرڤانیا مەنە نەھاتیە، ژ بەر کو ئەم سەر ب حکومەتا ھەرێما کوردستانێ ینە، ب تنێ ئەم بریار و رێنمایێن باژێرڤانیا گشتی یا دھۆک ل دەف مە دخوون، ب تنێ ئەم دشێین سەرەدەریێ دگەل وان بکەین، پتریا ئەو کەسێن رەزامەندی بۆ ھاتی سەرەدانا مە دکەن کورد چو وەلاتی یێن عەرەب مە نەدیتینە.
وەسیم غانم حەنون، سەرۆکێ باژێرڤانیا قەزا شێخان تایێ مووسل بۆ رۆژناما ئەڤرۆ دیار کر، وەکو پێدڤی د نەخشەیێ باژێرڤانیا مە پارچێن ئەردی نینن بۆ دابەشکرنێ، ھەر بریارەکا بۆ مە دھێت ئێکسەر بۆ قائیمقامیا قەزا شێخان رەوانە دکەین ب بریارا قائیمقامێ شێخان ئەم کاردکەین.
