حوکمەت دێ ھاریکاریا جوتیارێن برنج چاندی کەت
ئەڤرۆ نیوز، مەحمود نھێلی:
ئەندازیار عیسمەت ئیبراھیم بەرپرسێ ھوبا چاندنا دێرەلۆک بۆ ئەڤرۆ نیوز دیارکر، ژ بۆ پشتەڤانیکرنا جوتیاران و پێشخستنا کەرتێ چاندنێ حوکمەتا ھەرێمێ ئەڤسالە پتر ژ سالێن چوویی دێ ھاریکاریا جوتیاران کەت و خویاکر کو ئەڤە چەندین سال بوون ھاریکاری ب سەر جوتیاران دا نەدھاتنە کرن لێ ئەڤسالە دێ ھاریکاریێن بسەر دا ھێنە دابەشکرن بتایبەتی ئەو جوتیارێن برنج چاندنی و گۆت ( نوکە ئەوان دەست ب دابەشکرنا پەینی یێ کیمیای کرینە ب سەر وان جوتیارێن یێن کارێ چاندنا برنجی کری).
ناڤھاتی خویاکر، کو ژبلی پەینی یێ کیمیای دێ دەرمانێ ئادێ برنجی ژی ب سەر جوتیاران دا ھێتە پارڤەکرن و چێدبیت پتر ھاریکاریا جوتیاری بھێتە کرن ژ ھەموو لایەکی ڤە.