حۆسییێن یەمەنێ: دڤێت ئسرائیل ئێرشێن خوە ل سەر غەزە راگریت
یەحیا سەریع پەیڤدارێ حوسییێن یەمەنێ راگەهاند، هەتا ئسرائیل ئێرشێن خوە یێن ل سەر غەزە نەدەتە راگرتن ئەو وەکو حوسی دێ بەردەوام ئێرشی گەمیێن بازرگانی ل دەریا سۆر کەن، هەر دەمێ ئسرائیلێ ئێرشێن خوە ل سەر غەزە راگرتن ئەو ژی دێ ئێرشێن خوە ل سەر گەمیێن بازرگانی راگرن.
ئەو یەک د دەمەکێ دایە کو بەری چەند رۆژان وەزارەتا دەرڤە یا بریتانیا داخواز ژ ئیرانێ کربوو فشارێن خوە ل سەر حوسیێن یەمەنێ زێدەتر لێ بکەت دا حوسی ئێرشێن خوە یێن ل سەر گەمیێن بازرگانی راگرن، چونکی ژ بەر ئێرشێن بەردەوام یێن حوسییان مەترسیەکا گەلەک مەزن ل سەر بازرگانیا جیهانی ل دەریا سۆر دروست بوویە و دڤێت ئێدی حوسی ئێرشێن خوە راگرن، هەکە حوسی بەردەوامیێ بدەنە ئێرشێن خوە ئەمریکا و بریتانیا دێ دەست ب ئێرشێن نوو و دژوار ل دژی حوسییان کەن.
