حەزا سترانێن دوقۆلی نینە
ئەڤرۆ
هەرهین محەمەد:
سترانبیژ (هەماوەند لهونی) د دیدارەكێ دا بۆ رۆژناما ئەڤرۆ دیاركر كو دەمەك بوو ئەو مژوولی چێكرنا كلیپەكێ بوو ب ناڤێ (سەلاحەدین) كو ژ پەیڤ و ئاوازێن وی بوون و مۆزیك دیاكو خەنەقینی وێنەگرتن و دەرهێنان دیارمەهدی و بەری چەندەكێ هاتیە بەلاڤكرن.
ناڤهاتی گۆت: نوكە كاری ل سەر دو سترانێن دی دكەم، یا ئێكێ ژ دەڤەرا بەهدینانە و یا دویێ هەورامی یە و ل نێزیك دێ وان ژی بەلاڤكەم و من حەز ل سەر سترانا دوقۆلی نینە، چنكو دەنگێ ژن و زەلامان گەلەك ژێكجودایە و دەمێ سترانا دوقۆلی دبێژن ئێك پتر دەنگێ خوە بلند كەت و دەنگێ یێ دی كێم دبیت و ب ڤی رەنگی ستران جوان نا دەركەڤیت و گەلەك حەزدكەم كار د مۆزیكێن كلتۆرێن جودا دا بكەم وەكو مۆزیكێن دەڤەرا هەلەبجەو و هەورەمان و هەكە ئەز سترانبێژ نەبام دا كارێ هەلكولینا وێنەی ل سەر داری كەم و ژبلی كارێ هونەری ژی فەرمانبەرم ل وەزارەتا پلاندانانێ.
