حەزا وێ بۆ هونەری گەلەكە
ئەڤرۆ
سولین سلێمان:
ئەكتەرا بەرنیاس (نەرمین كاوانی) د دیدارەكێ دا بۆ رۆژناما ئەڤرۆ دیاركر كو ئەو خەلكا پارێزگەها سلێمانیێ یە و هەر ل وی باژێری پەیمانگەها هونەرێن جوان ب دوومای ئینایە و دەست ب كارێ هونەری كریە.
ناڤهاتیێ گۆت: هەتا نوكە من پشكداری د هژمارەكا فلم و دراما دا كریە، ژوانا (گەردەلوول، دۆپشك، ئارەزوو، كەركووك 4، ژیلەمۆ) و چەندین بەرهەمێن دی، هەروەسا چەندین شانۆگەری و فیستەڤالان، لێ ژبەر نەخۆشیا من كو ئەز تووشی پەنجەشێرێ و كۆرۆنایێ ببووم، بۆ دەمەكی ئەز دووركەفت بووم، لێ نوكە سوپاس بۆ خودێ ئەز یا باشم و چنكو حەزا من بۆ هونەری گەلەكە دوبارە من دەست ب ئەكتەریێ كریە، و هیڤیا من ئەوە ئەز بشێم ل دووف شیانێن خوە خزمەتا هونەرێ كوردی بكەم.
