حەزا وێ ژبۆ هونەری یا بێ سنوورە
شانۆڤان (هەوار فارس) كو ژ پارێزگەها كەركووكێ یە، د دیدارەكێ دا بۆ رۆژناما ئەڤرۆ دیاركر كو ئەڤە دەمەكە ئەو مژوولی پرۆڤەیێن ئەنجامدانا شانۆگەریەكێ نە ب ناڤێ (هەموو دزەكان یەك نین) دەق یێ نڤیسەرەكێ ئیتالی یە و ژ دەرهێنانا (عیماد هادی) یە و ل بەرە بۆ دەمێ چار رۆژان بهێتە نیشادان.
هەروەسا گۆت: هونەری ب گشتی و شانۆیێ ب تایبەتی گەلەك جهێ خوە د دلێ مندا كریە و هەر شانۆگەریەكا من پشكداری تێدا كربیت یا ژێ رازیمە، بەلێ مخابن كێم كارێن هونەری ل كەركووكێ دهینە ئەنجامدان و هیڤی خوازم ژنوكە وێڤە پتر گرنگی ب شانۆیێ و هەموو تایێن دی یێن هونەری ل كەركووكێ بهێتە دان، ژبەركو هونەرمەندێن باش ل كەركووكێ هەنە و هەكە پشتەڤانیا وان بهێتە كرن دێ كارێن هونەری یێن باش ئەنجام دەن.
