حەزدكەت بەرنامەیێن فولكلۆری پێشكێش بكەت
بێوار حەمدی:
موحسن ئدریس، پێشكێشكارێ كەنالێ دەلال تیڤی د دیدارەكێ دا بۆ رۆژنامەیا ئەڤرۆ گۆت: هەلگرێ مایكا دەلال تیڤی ئانكو هەلگرێ پەیامەكا راست و دروستە و بۆمە وەكو قوتابخانەیەكێ یە، لەورا ئەز شانازیێ ب خوە دبەم كو ل وی كەنالی كاردكەم.
هەروەسا گۆت: دەمێ هاتیمە دناڤ راگەهاندنێ دا ل دەستپێكێ ئەز پەیامنێر بووم، لێ پشتی دەمەكی ئەز بۆمە پێشكێشكار و نوكە پێشكێشكارێ بەرنامەیێ (گوندێ مە) مە و ئەز گەلەك حەزژ پێشكێشكرنا بەرنامەیێن فولكلۆری دكەم، دەربارەی راگەهاندنێ ژی دبێژم نوكە رۆژ بۆ رۆژێ جیهان یا پێش دكەڤیت و ئێدی خەلك پێدڤی ب گەهاندنا پەیامێن بلەزە و ب دیتنا من دڤێت پێشكێشكار هەموو دەما بزاڤێ بكەت خوە ژ چاڤلێكرنێ دوور بكەت و كاری ل سەر دەنگ و ستایلێ خوە بكەت دا كو پتر بشێت جهێ خوە بكەت.
