حەزدكەت خوارنگەهەكێ ڤەكەت
سندس سالح سلێڤانەیی:
ئەمیرا حسێن محەمەد عەلی، كو ب (دەیكا مریەمێ) دهێتە نیاسین، ئێك ژ (شێفێن) بەرنیاسە، د دیدارەكێ دا بۆ رۆژنامەیا ئەڤرۆ دبێژیت: گەلەك ژمێژەیە من حەزا چێكرنا خوارن و شریناهیان هەی و ل دەستپێكێ من بتنێ بۆ مالا خوە چێدكرن، لێ ئەڤ سێ سالن ل دووف دا خوازیان ئەز بۆ خەلكەكی ژی چێدكەم و ب شێوەێ ئۆنلاین دفرۆشین.
هەروەسا گۆت: ئەز دزانم گەلەك جۆرێن خوارنان چێكەم، لێ خەلك پتر ب (كێپاری و ئیپراخێن) ئەز چێدكەم داخبارن و بەردەوام وێ داخوازێ ژمن دكەن و ئەز حەزدكەم كارێ خوە بەرفرەهتر لێ بكەم، بۆ نموونە خوارنگەهەكێ ڤەكەم، لێ نوكە من ئەو شیان نینن، بۆ زانین ل مال هەڤژینێ من هەروەسا كوڕ و كچێن من گەلەك هاریكاریا من دكەن.
