حەزدکەم ئەز و کەمال جارەکێ کارەکێ هونەری یێ جوان پێکڤە ئەنجام بدەین
، هەرهین محەمەد:
هونەرمەند فەرسەت حسێن د دیدارەکێ دا بۆ بەرپەرێ هونەری یێ رۆژنامەیا ئەڤرۆ گۆت: «ئەز ژ کارێ ستران گۆتنێ دوور نەکەفتیە، بەلێ کاودانێن نوکە ئەم تێدا دژین و گرانیا بازارێ هونەرمەندان ب تایبەتی ستران و مۆزیک وەل مە کریە بیتە بارگرانی ل سەر ملێت مە و نەشێن بەرهەمان چێکەین و ئەو چەندە ژی دبیتە ئەگەر هاریکاری و پالپشتیا هونەرمەندان نینە و بەری نوکە هەتا رادەکی رێڤەبەریا گشتی یا رەوشەنبیری و هونەری ل پارێزگەها دهۆکێ خوە ل سترانبێژان دکرە خودان و هاریکاری هەبوو دشیاین کارێن خوە یێن هونەری بکەین، بەلێ ئەڤرۆ یا مایە ل سەر سپونسەران و ئەڤ تەخا وەکو مە د ئەڤی ژی دا نەشێن دەستێ خوە درێژکەین بۆ کەسەکی و یا مە ئەوە جهەک پشتەڤانیا مە بکەت کارێن خوە ئەنجام بدەین و نوکە ژ قوتابی مە ل پەیمانگەها داسنیا پشکا مۆزیکێ.
فەرسەتی گۆت: گەلەک کارێن هونەری ل بەردەستێ منن، بەلێ سپونسەر نینن خوە ل مە بکەتە خودان ژ بۆ ئەنجامدانا ئەڤی کاری بۆ نموونە بەری چەندەکێ من خوە پێدڤی جهەکی کر و سوز دا من بۆ من دوو کاران بکەن و سال ب دووماهی هات و چ بۆ من نەکر بتنێ گۆتن و چ کریار نەکرن لەورا من ژی دەست ژێ بەردا و هەکە مرۆڤ دووڤ حەزا خەلک بچیت دڤێت مرۆڤی تشتێ گۆتی هەموویێ دووبارەکەت و مە تشتێ نوی یێ هەی و مەرەمامە ئەوە تشتین نوی بینە د گورەپانا هونەری دا، چونکو هندی مرۆڤێ ساخ بیت ژیان ژی یا بەردەوامە و ب پشتراستی ژی دێ مرۆڤی تشتێ نوو ژی هەبیت و حەز دکەم و گەلەک داخوازی ژ من دهێتەکرن و حەزدکەم تشتێ نوی بێژم.
ناڤبری ئەو چەندەژی گۆت: حەزدکەم وەکو تشتەکێ دوقۆلی من و کەمالی لگەل ئێک گۆتبا و دناڤ فلکلورێ مە دا ستران هەبوون ژن و زەلامان، یان زەلام و زەلام، یان ژن و ژن پێکڤە دگۆتن و دهاڤێتنا بەرک بۆ نموونە سترانەک هەبوو کابدە من و دەمێ خازگین د چوون و مالا زاڤای و یا ژنکێ دهاڤێتە بەرک و من حەز دکر سترانەکا ب ئەڤی رەنگی هەبا من و کەمالی ل گەل ئێک گۆتبا، چونکو ل دەمەکی من و ئەوی ستران دوقۆلی گۆتینە و بەرنیاس بووین و هەتا نوکە ژی دچمە دەواتا و هەتا بەری هەیڤەکێ ژی من و ئەوی ل نیشانیەکێ ستران گۆتینە و هەرکەسەکێ داخازێ ژ مە بکەت بۆ دەواتان ئامادە دبم.
