حەزناكەت كەڤالێن خوە بفرۆشیت
شاهۆ فەرید:
شێوەكار(نورا هاری) كچەكا خەلكا ئیدارەیا سەربەخویا زاخۆیە، د دیدارەكێ بۆ رۆژنامەیا ئەڤرۆ گۆت: من ڤالاهیەك ژیانا خوە دا هەبوو من دڤیا پربكەم، ئەڤە حەزا منا زارۆكینیێ بوو، پشكداری چو خۆلێن فێركرنێ نەبوویمە، ئەڤە ماوەیێ چار سالانە بەردەوام كەڤالان چێدكەم، هەموو هەست و تشتێن دلێ خوە دا لسەر كەڤالی دكێشم، پتریا كەڤالێن من دەربڕینێ ژیانا من و بیرهاتنەكا من تێدایە، من چ جاران نەڤیایە كەڤالێن خوە بفرۆشم، چونكو ل دەف من دخوەشتڤی نە، بتنێ ئەز دناڤ سوشیالا خوەیا تایبەت دا بەلاڤ دكەم و خەلكەك زۆر سەر مەندەهوشە، هەركەسەك هزرەكێ دكەتن و ب كۆمێنتان دەربڕینا خوە دكەتن.
هەروەسا گۆت: من ل بەرە ستیلێ بكەمە نەخشین بگونجن ل گەل سرۆشتی و ناڤ مالێ بگونجن بهێنە فرۆتن، ئاریشەیا مەیا سەرەكی ئەوە پێدڤیێن وێنەكێشانێ د گرانن و هندەك جاران ب دەست مە ناكەڤن، ئەم ژ بەغدا یا دەرڤە داخوازدكەین بكوالێتێن باش و گونجای، هەموو دەوروبەریێن من دبێژن بەردەوام بە دێ گەهیە گۆپیتكێ، داخوازا مە ژجهێن پەیوەندیدار ئەوە د هاریكار و پالپشت بن و پتر گرنگیێ ب مە بدەن.
