حەزژێكرنا خەلكی بوویە پالدەرەك كو د بەردەوامبین
سندس سالح سلێڤانەیی:
عەزیزحەجی، خودانێ گولفرۆشیا پاریس فلاوەرس، د دیدارەكێ دا بۆ رۆژنامەیا ئەڤرۆ گۆت: ل سالا 2015 مە دەست ب فرۆتنا گولان كریە و پتریا جۆرێن گولێن ئەم دفرۆشین د سرۆشتی نە، لێ پتر داخوازی ل سەر گولا (رۆز) هەنە و حەزژێكرنا من بۆ ڤی كاری پتریا ب رێكا دیتنا پارچە ڤیدیۆیانە و خۆشحالم كو رۆژ بۆ رۆژێ بكرێن گولا دزێدەبوونێ دانە.
هەروەسا گۆت: فرۆتنا گولان ل سەر داخوازیانە، ئانكو بكڕ پەیوەندیێ ب مە دكەن و ل دووف داخوازێن وان ئەم بۆ جۆر و ڕەنگێن گولان بەرهەڤ دكەین و بۆ بەرهەڤكرنا هەر دەستەكەكێ گولان دەه خۆلەك پێ دڤێن ، بۆ زانین ل هەلكەفتنان ب تایبەت ل رۆژا ئەڤینداران و جەژنان و رۆژا دایكان پتر داخوازی ل سەر گولان هەنە و پتریا گول و كەرستەیێن وان ژ كینیا و ئیرانێ و توركیا دهێن و حەزژێكرنا خەلكی بۆ كارێ مە بوویە پالدەرەك كو د بەردەوامبین و شیرەتا من بۆ وان كەسان ئەوە ئەوێن حەزدكەن ڤی كاری بكەن بلا باش خۆ بەرهەڤبكەن و بچنە خۆلێن تایبەت هەتا باش شارەزا دبن پاشی دەستپێبكەن.