حەزکەت رۆلێن کومێدی بکەت
ئەڤرۆ:
شانۆڤانا گەنج لەیلا مەجیدی، د ھەڤدیتنەکێ دا بۆ بەرپەرێ ھونەریێ ئەڤرۆ دیارکر کو ھەتا نوکە خێزان پێک نەئینایە، گۆت: یێ ل گەل خێزانێ پێک دھینم، پێدڤیە ئەو کەسە وەکو من شانۆکاربیت، دڤێت پشتەڤانیا من بکەت و رێزێ ل کارێ من بگریت.
لەیلایێ دیارکر کو ل سالا ٢٠٠٥ بۆ ئێکەم جار چوویە سەردەپێ شانویێ، ئێکەم شانوگەری تێدا پشکداربووی (پەنجەرا گرتی) بوویە، گۆت: وەکو ئەکتەرەک حەزدکەم رۆلێن کومێدی وتراژیدی بکەم حەزناکەم چ رۆلێن خوە رەت بکەم، یاگرنگ ئەوە دەرھێنەر و بینەر ژ رۆلی درازی بن، بشێم پەیامەکێ ب گەھیم.
گۆت: ھونەرێ شانۆیێ وەک پێدڤی چ گرنگی پێ نەھاتیەدان، راستە رێڤەبەریا شانۆیێ وھۆلێن ھونەری وتیپێن ھونەری ھاتینە دانان، بەلێ ئەڤە ھەموو نەبووینە بەرسڤا شانۆکاران، سالانە بۆدجەکا مەزن بناڤێ چالاکیێن ھونەی دھێتە مەزاختن بۆ ڤیستەڤالان و پێشبرکیان چ ژوان وەکو پێدڤی جھێ خوە نەگرتیە .
گۆت: گەلەک گۆھداریا مۆزیکێ و سترانان دکەم ب تایبەتێ سترانێن سترانبێژ (محەمەدێ ماملێ و مەزھەرێ خالقی وناسرێ رەزازی) و خەونا من ئەوە سترانەکێ ل گەل ھونەرمەند (ناسر رەزازی) بێژم.
