حەز دكەت خزمەتا هونەری بكەت
زنار تۆڤی:
خانما سترانبێژ (ناتالیایێ) نووترین سترانا خوە ب ناڤێ كەڤۆك ب شێوێ ڤیدیۆ كلیپ بەلاڤكر، كو ئەو بەرهەمە ژ تێكست و ئاوازێن هونەرمەند حەسەن شەریفی نە.
ناتالیایێ دیاركر كو رێناس میرانی كارێ وێنەگرتنێ بۆ وێ ڤیدیۆ كلیپێ كرییە و ل باژێرێ بەرلینێ هاتییە وێنەكرن و ل یوتیۆبێ خوە بەلاڤكریە، هەروەسا وێ پشكداری د ئاهەنگێن نەورۆزێ ژی دا كر و ل بەرە چەندین كارێن دیتر یێن هونەری د ئەڤ سالە دا بەلاڤ بكەت، كو هندەك ژ وان بەرهەمان وێنەكرینە، هەتا نوكە ناتالیایێ هژماەركا كلیپ و بەرهەمان بەلاڤكرینە و ل دەستپێكێ وێ كارێن هونەری ل وەلاتێ ئۆكرانیا ئەنجامداینە و پاشی چوویە وەلاتێ ئەلمانیا و ئەڤە 23 سالن ل وی وەلاتی دژیت و وێ دڤێت ب رێیا سترانگۆتنێ خزمەتا هونەرێ كوردی بكەت.
