حەز دكەت كەڤالێن خوە بفرۆشیت
ئەڤرۆ
زنار تۆڤی:
قوتابی (هەژی بەهزاد) كو نوكە یێ ل پۆلا یازدێ وێژەیی ل ئامادەیا پەیرەو ل دهۆكێ، د دیدارەكێ دا بۆ رۆژناما ئەڤرۆ دبێژیت: هەر ژ زارۆكاتیا خوە من حەز ژ كارێ شێوەكاری كریە و ئەڤە سێ سالن ب چەندین كەڤالان پشكداریێ د پێشانگەها سالانە یا شێوەكاری و كارێن دەستی یێن قوتابخانان دا ل دهۆكێ دكەم، ناڤەرۆكا پرانییا وێنێن من ل سەر كلتۆرێ كوردی و دیمەنێن سرۆشتی یێن كوردستانێ نە.
ناڤهاتی گۆت: دایكا من و ماموستایێن من گەلەك پشتەڤانی ل من دكەن و ئەز حەز دكەم پتر گرنگی ب بابەتێ هونەری ل قۆتابخانان بهێتە دان، دا ئەو ب رەنگەكێ باشتر فێری هونەرێ شێوەكاری ببن، و د چێكرنا وێنەیان دا ئەز پشت بەستنێ ل سەر هزرێن خوە دكەم،
و هەبوونا پێشانگەهێن شێوەكاری و كارێن دەستی یێن قۆتابخانان گەلەك گرنگیا خوە هەیە و ئەز حەز دكەم بەردەوام پشكداریێ د پێشانگەهێن شێوەكاری دا بكەم، هەروەسا من هزر كریە و حەزدكەم كو كەڤالێن خوە بفرۆشم و هەتا نوكە چەندین كەڤال ب دیاری من داینە هەڤال و مامۆستایێن خوە و كەڤالەكێ خوە ب 80 دۆلاران فرۆتیە.
