حەز دکەم وەکو ئەکتەر کاربکەم
ئەڤرۆ:
سترانبێژا گەنج دلبەرجزیری بۆ ئەڤرۆ دیارکر، ئەڤە ھەشت سالە ئەو چوویە دناڤا جیھانا سترانگۆتنێ دا و نوکە حەز دکەت وەکو ئەکتەر پشکداریێ د فلمەکێ کوردی دا بکەت.
ناڤھاتی کو نوکە ل گەل مالباتا خوە ل وەلاتێ ئەلمانیا دژیت ھێشتا گۆت:
ئەز ب خوە ژمالباتەکا ھونەری مە، ژبەر وێ یەکێ بۆ من نۆرمالە ئەز کارێ خوە یێ ھونەری بەرفرھتر لێ بکەم.
ھەروەسا گۆت: ژبەرکو ل وەلاتێ من تازی یە، ئەز نوکە نەشێم سترانان بێژم و من سۆزدایە نەبێژم ھەتا وەلاتێ من ب تەمامی ئارام دبیت،
بۆ زانین: من سترانەک ل دۆر کوردستانی بەرھەڤ کریە و ئەز ل ئورۆپا گەلەک ژ کوردستانێ خەریب دبم و من سترانەک ل دۆر وەلاتی ھەیە و ھەر دەمێ دگریم وێ سترانێ بۆخوە دبێژم.
ناڤبریێ دیارکر ژ کۆ ھێشتا ئەو کچە و ژیانا ھەڤژینێ پێک نەئینایە و گۆت: قسمەتە و پێک ئینانا خێزانێ ژی نە تشتەکێ ب ساناھی یە، بۆ من گەلەک یا ب زەحمەتە ، چونکو ئەز ل ئورۆپا دژیم، مالا من و مالباتا من ل ئەلمانیایە ، ژبلی کارێ ھونەری ئەز کارەکی دی دکەم بۆ ژیانا رۆژانە.
