حەز ژ رۆلێن لەشكەری دكەت
بێوار حەمدی:
ئەكتەرێ گەنج (كیڤی سالح) ددیدارەكێ دا بۆ رۆژنامەیا ئەڤرۆ گۆت: ئەڤە (19) سالن وەك ئەكتەر دناڤ هونەری دا كاردكەم و هەتا نوكە من پشكداری د هژمارەكا فلمێن سینەمای و كورتە فلم و زنجیرە درامایان دا كریە وەك ئەكتەر، هەروەسا وەك رێڤەبەرێ بەرهەمی ژی، لێ وەكو ئەكتەری ئەز حەزدكەم كو هەردەم ب رۆلێ كەسێن لەشكەری ڕاببم.
هەروەسا گۆت: دووماهی كورتە فلمێ من وەكو رێڤەبەرێ بەرهەمی كار تێدا كری، كورتە فلمێ (سپی) بوو، كو ژ نڤیسین و دەرهێنانا (نەڤرۆز شەعبان) بوو، وی كورتە فلمی د هەیڤا بۆری دا پشكداری د گەڕا (76) یا فەستیڤالا بەرلینێ دا كر و شیایە خەلاتێ باشترین كورتە فلم وەربگریت.
