حەز ژ رۆلێن مرۆڤێن تووڕە دكەت
شاكر ئەتروشی:
خۆرشید عەبدوللاعەبدولكەیم، كو ب (خۆرشید دۆسكی) یێ بەرنیاسە، د دیدارەكێ دا بۆ رۆژناما ئەڤرۆ گۆت: ل سالا 1994 هەتا 2003 من وەك وێنەگر كاردكر، لێ پشتی دەركەفتنا مۆبایلێن ب كامیرە كارێ نەما، لەورا ل سالا 2005 ئەز هاتمە دناڤ بۆارێ درامایێ دا و هەتا نوكە وەك ئەكتەر من پشكداری د چەندین فلمێن سینەمای و دراما دا كریە، ژوانا (خەم و خەم، دیلان، رەشەبا، سەیدایێ خۆشبی و دو سیزنا ژ دراما تەعل و شرین و پتری (60) كاران بۆ بەرنامێ ڤەكۆلین و مە ل بەرە د چەند هەیڤێن بهێن دا دەست ب وێنەكرنا بەرهەمەكێ دی بكەین.
خۆرشیدی گۆت: پتریا رۆلێن من پشكداری تێدا كری رۆلێن مرۆڤێن تۆرەنە، دیارە ئەز حەز ژوان رۆلان دكەم و دەرهێنەر ژی دزانن ئەز دشێم ب رۆلێ مرۆڤێن تۆرە راببم، لێ ل مال و ل گەل هەڤالان ئەز كەسەكێ سادە و ئارام و بێنفرەهم و چو تۆرە بوون ل دەف من نینە، بۆ زانین هەتا نوكە من ل گەل هەرسێ دەرهێنەران (حسێن حەسەن، موفەق رۆشدی، شینوار كەمال) كاركریە و هەر سێ ژی بۆ من جهێ رێزێ نە و ژدل سوپاسیا وان دكەم.
