حەسوودی و غیرەت
نارین محەمەد
مەزنترین نعمەت تو ل گەل خۆ بكەی ئەوە دانپێدانا ب خەلەتیا خۆ بكەی، هندی تو حەسوودیێ ب كەسێانێن دی نەبەی دێ زانی كی ب تە دبەت ژبەركو تە ئەو خیرەتە، نابیت تو پێڤە مژویل ببی، بەلێ ئەگەر تە ئەڤ چەندە نەبیت چاڤێن تە پتر د ڤەكرینە، كا چ ل دەوروبەرێن تە دهێتە رویدان، چ ژ وانایە تووشی تە دبیت، ئەز هندەك جاران ل گەل خۆ درینمە خار و د فكرم ئەگەر مرۆڤان ئەڤ حەسیدی و خیرەتە نەبان دا ئەم چەند ئارامتر ژین ژ ژیانا نوكە.
تو هۆركارێن بابەتێ حەسوودی نەزانی و تە پێزانین ل سەر نەبن ب زەحمەتر تو بزانی كی یە ڤێ چەندێ ل گەل تە بكاردئینیت، چاوا مرۆڤ دشێت هندە ل گەل خۆ یێ خراب بیت، تو دەمارێن خۆ هەمیان تەدمیر دكەی ژبەركو ئەو بەردەوام كار دكەن، كی چ دكەت؟ چ لێ هات؟ چ گۆت؟ كیڤە چوو؟. وەسا تە بهێنڤەدانا بۆ دەمار و مێشكێ خۆ نامینیت. هند د بەر خۆ ڕا نەچە و تو ب سروشتێ خۆ حەز دكەی یا سادە بی و هێزا تە هندە ل شوینا چاڤێ تە ل هندێ بیت پا بۆچی ئەڤ كەسە دشێت وە بكەت دڤێت ئەز ژی وەب كەم ل دەمەكی من هزر دكر ئەڤە گرێدای رەگەزەكی بتنێ یە بەلێ نوكە یا بۆ من دیاربووی كو هەردو رەگەز تووشی ڤی كاری دبن، ژبەركو ل دوماهیێ ئەم هەمی مرۆڤین، بەلێ دبیت رێژە یا جودا بیت، ب باوەریا من نەكو لایەنەك باشتر بیت و یێ دی نە، بەلێ دبیت ژ بەر كاری هند ئەو دەرفەتە نەبیت گەشێ ب ڤی لایەنی بدەت، هەر وەكی د پەرتووكا «بڕیاردان سەرێن ڕێیان ڤەدكەت» یا نڤیسین نارینێ دا دبێژیت: هەر تشتەك پشتی چەندەكێ ل سەر بەردەوامیێ گەشێ دكەن و پێشكەفتنێ بۆ خۆ ڤەدگریت هەتا حەسوودی و خیرەت ژی دهیت بۆ دهێن.
هندی ئەم كارڤەدانا ب خۆ بدانین و بهانەیان بگرین ئەڤە ئێكە ژ رێكێن پێشكەفتنێ د كارێن مە دا، دەمێ ئەم دبچویك بابێ من دگۆتە مە حەسوودیێ ب كەسێ نەبەن، ژ بەر كو هوین نزانن كا خودێ چ ژ وان وەرگرتی یە هەتا ئەڤ ئەنجامێ تە دیتی دایێ، ئەم بتنێ ئەنجامان دبینن بەلێ ئەو كەسە وان هەمی ستری و بەر و كەفتنێن رێكا خۆ دا دبینن.
