حەشدا شەعبی: پەرلەمانی شەرعیەت دایە کو ئەم روو ب روو هێزێن ئەمریكا ببین
ئەڤرۆ نیوز ، زنار تۆڤی :
حزبوللا یا عێراقی ئێكە ژ گرووپێن حەشدا شەعبی و زۆر یا نێزیكی ئیرانێ یە، دووپات كریە كو هێزێن ئەمریكا د رژدن ب میننە ل عێراقێ و پێدڤیە حوکمەتا عێراقێ داخوازیێن گەلێ عێراقێ بینیتە جه و داخوازا دەرکرنا ئەمریکا بكەت،ژ لایێ خوەڤە قەیس خەزعەلی ئەمیندارێ گشتی یێ گرووپێ عەسائیب ئەهلولحەق یێ شیعەیان راگەهاندیە کو پێدڤیە هێزێن بیانی نەمیننە ل عێراقێ.
لدووڤ بەیاننامەکا كەتیبێن حزبوللا یا عێراقی كو ستایشا هەلویستێ پەرلەمانێ عێراقێ كریە،ب ئەگەرێ داخواكرنێ ژ حوکمەتا عێراقێ بۆ دیاركرنا وادەیەكێ بۆ دەرکرنا هێزێن بیانی ژ عێراقێ، داخواز ژ حوکمەتا عێراقێ كربیت،کو پێدڤیە ئەو داخوازیێن گەلێ عێراقێ بجهبینن ، ئاماژە ب هندێ كریە کو بریارا پەرلەمانێ عێراقێ دووپاتی ل مافێ گەلی دکەت بۆ روو ب رووبوونا هێزێن بیانی و شەرعیەتێ ب ڤی كاری ددەت.
هەروەسا قەیس خەزعەلی، ئەمنیدارێ گشتی یێ عەسائیب كو گرووپەکێ دی یێ حەشدا شەعبیە دووپاتی ل هندێ کریە ، کو پێدڤیە هەبوونا هێزێن بیانی ل عێراقێ ب دوماهی بهێت و رێز ل بریارا پەرلەمانی عێراقێ بهێته گرتن.
ل پێنجشەمبیا بوری پەرلەمانێ عێراق دەنگ ل سەر پێشنیازا بڕیارەکێ دا بۆ سوپاسیكرنا هەموو هێزێن بیانی،یێن کو هایکاریا عێراقێ د جەنگێ ل دژی داعشێ کری و داخواز ژ فەرماندەیێ گشتی یێ هێزێن چەكدارێن عێراقێ كریە، بۆ دیاركرنا وادەیەكێ بۆ دەرکرنا وان هێزان ژ عێراقێ، بەلێ سەعد حەدیسی، پەیڤدارێ راگەهاندنا نڤێسینگەها عەبادی گوتیە،هەتا نوکە ژی حوکمەتا عێراقێ پێدڤی ب وان هێزان هەیە بۆ كارێ مەشق و راهێنان و كارێن لۆجیستی.
