حەفتیانە چەند جاران پرچ بهێتە شووشتن؟
شێوازێ شووشتنا پرچێ ژ کەسەکی بۆ کەسەکێ دی جودایە، ل دووڤ پێکهات و شێوازێ پرچا خۆ، ئەڤان هۆکارا کاریگەری ل سەر ژمارا جارێن شووشتنا پرچێ دبیت کو پێدڤیە د حەفتەیەکێدا بهێتە شووشتن.
ڤەکۆلینەکا بریتانی ل فێ دووماهیێ ئاشکراکریە، ب تێکڕا، بریتانی هەر دو بۆ سێ رۆژا جارەکێ پرچێ خۆ دشوون ل دووڤ ماڵپەڕێ دەیلی پۆست، شارەزا دبێژن ئەڤ؟رێژەیە گەلەکا بلندە و رەنگە ببیتە ئەگەرێ وەریانا پرچێ.
بۆ خانمان شووشتنا پرچێ گرێدایە ب جۆرێ شامپۆ و کوالێتیا پرچێ و پیستێ سەری.
عەباس کەنانی تایبەتمەندێ پاقژیا پرچێ ل ماڵپەڕێ کیمست کلیکدا دبێژیت، “پتریا کەسان دشێن دو بۆ سێ رۆژا بمینن بێ کو پرچێ خۆ بشوون، بەلێ هەکە پیستێ سەرێ تە زێدە دوهنی بیت، رەنگە پێدڤیا تە ب شووشتتنێ هەر ئێک بۆ دو رۆژا جارەکی بیت ئەوێن پرچێ وان تەنک یان دوهنی بیت.
سەبارەت ب پرچێ خەلەک، پێدڤیە کێمتر بشووت، حەفتیێ جارەکێ یان دووجار، ئەڤەژی ژبەر وێ چەندێ یە کو پرچێ خەلەک ژ ئەگەرێ هشکبوونێ تووشی زیانان دبیت، دوهن یێ گرنگە بۆ وێ چەندێ پرچ ب نەرم و رویشالی بمینیت.
شارەزا ئامۆژگاری کرینە، داکو پرچێ تە تێک نەچیت، پێدڤیە دگەڵ هەر شووشتنەکێدا شامپۆیەکا کێم و هندەک جارا ئاڤێ ب تنێ ب کاربینی.
