حەفت تیمێن رامالینا بەفرێ بەردەوام ل سەر کارینە
ئەڤرۆ، سالار دۆسکی:
ئەندازیارێ شارەزا دێوالی حەمێ بریندار ئاشکرا کر کو حەفت تیمێن رامالینا بەفرێ ل سەرانسەری پارێزگەھێ کارێ خوە دکەن و ھێشتا رێکا ھندەک گوندان مایە نەھاتیە پاقژکرن ژ بەفرێ لێ بگشتی ھەموو رێکێن سەرەکی و گوندان گەلەک خەلک تێدا ھاتینە پاقژکرن.
ئەندازیارێ شارەزا دێوالی حەمێ بریندار رێڤەبەرێ سەخبێریا رێک و پران ل دھۆکێ بۆ ئەڤرۆ نیوز گۆت: پشتی ھاتنا بەفرەکا زور ل پارێزگەھا دھۆکێ تایبەت دەڤەرێن چیایی بۆ ئەگەرێ وێ چەندێ پتریا رێکێن سەرەکی و لاوکی ژ ھاتنا بەفرێ بھێنە گرتن، تیمێن مە دەست ب کارێن خوە کرینە ل (بێگوڤا و کانی ماسێ، سەرسنگ، چەمانکێ، زاویتە، مانگێشکێ) کەفتنە کاری و ماوێ ھەشت دەمژمێران دا شیان ھەموو رێکێن سەرەکی ژ بەفرێ پاقژ بکەن، ھەتا خالا سەرزێری ژی ھاتیە پاقژکرن.
دێوالی حمێ بریندار ئەو ژی ئاشکراکر کو ل خالا سنوری یا سەر زێۆی نێزیکی مەتەرەک و ١٠ سم بەفر باری بوو و ل ناحیا کانی ماسێ ٧٠سم بەفر باری بوو، ل دەڤەریێن (زاویتە، سەرسنگ، ھەتا سەرسنگ، ئامێدی و دێرەلوک)سێ تیم شیان ئەوان رێکان پاقژبکەن، لایێ (بامەرنێ و گەلیێ دیھێ) ھەتا پشتی نیڤرۆ ھاتە پاقژکرن، رێکا (چەمانکێ، سیتارتیکا) ھەتا پشتی نیڤرۆ ھاتە ڤەکرن.
ئەندازیارێ دێوالی ئەو ژی دیارکر کو ھەموو رێکێن سەرەکی و لاوکی ل سەرانسەری پارێزگەھا دھۆک زێدەباری رێکێن گونداێن پتریا خەلک تێدا نێشەجێبوون ھاتینە ڤەکرن و بتنێ ھندەک گوند ماینە و تیم رامالینا بەفرا بەردەوامێن کاری ل سەر دکەم.
حمێ ئەو ژی خۆیارکر، کو مەکینێن رێڤەبەریێ دکێمن ھەکە زێدەتربان دا پتر شێن کارێ خوە کەن، خەلکێ ھاریکاربیت تایبەت دەمێ سەیرانێن بەفرێ دکەن و ترۆمبێلێن خەلکی دمینە ئاستێ و لەوما ڤەکرنا جادا گیرۆدبیت.
ل دووماھیێ حەمێ بریندار سوپاسیا پولیسێن ھاتن و چوونێ کر کو بەردوام ھاریکارن ل گەل تیمێن رامالینیا بەفرێ و ھەتا نوکەبگشتی کار گەلەک ب رێک و پێک ب رێڤە دچیت.
