حەفت رێڤەبەریێن زاخۆ بێ ژمێریارن
ئەڤرۆ نیوز، عەلی حاجی :
د داخویانیەکێ دا ئەندامەکێ پەرلەمانێ کوردستانێ بۆ ئەڤرۆ نیوز دیار کر مە پێکول کرین کو ئەو رێڤەبەریێن ل باژێرێ زاخۆ کو یەکا ژمێریاری نەبیت ئەو یەکە بهێتە ڤەکرن دا کو ئێدی بۆ خەرچ کرنا پارەیەکێ پێدڤی نەبیت هاولاتی قەستا باژێرێ دهوکێ بکەت .
زێدەتر چیا حەمید شەریف گوت : ل نێزیکی شەش هەتا حەفت رێڤەبەری ل زاخۆ هەنە کو یەکا ژمێریاری لێ نینە و ئەڤە ژی دبیتە ئەگەر بۆ خەرچکرنا پسولەیەکا پارەی کو هەتا ١٠ هزاری ژی بیت ئەو کەسە بچیتە باژارێ دهوکێ بۆ خەرچکرنا وی پارەیی،لەورا وەکو نڤیسینگگها زاخۆ یا ئەندام پەرلەمانتارێن کوردستانێ مە ب شێوەیەکی فەرمی ل دور ڤی بابەتی نڤێسارەک رادەستی سەروکێ هەرێما کوردستانێ بەرێز نێچیرڤان بارزانی کری یە و هەر دیسان مە ژ نێزیک ڤە ژی دگەل ئاخڤتی یە بۆ چارسەر کرنا ڤی بابەتی و ژلایێ خوە ڤە جەنابێ وی پشتەڤانیا خوە بو ڤێ چەندێ دیار کر و ل بەرژەوەندیا هاولاتیان ژی دا دیت ئەڤ بابەتە بهێتە چارەسەر کرن و ئەو رێڤەبەری وەکو رێڤەبەریێن سەربەخو لێ بهێن و سەرەدەریا ئێکسەر ب وەزارەت دگەل وان دا بهێتە کرن وپێدڤی ناکەت بمینن سەر رێڤەبەریێن پارێزگەها دهوکێ ڤە.
و گوت ژی : هەردەما ئەڤ رێڤەبەریە بونە رێڤەبەریێن سەربەخۆ و ژلایێ وەزارەتێن حکومەتا هەرێما کوردستانێ ڤە سەرەدەری دگەل دا هاتە کرن دێ بودجەیا وان رێڤەبەریان زێدەتر بیت و ئێدی سەرەدەریێ دگەل رێڤەبەریێن پارێزگەها دهوکێ ناکەن و ب ڤێ چەندێ ژی دێ پێنگاڤێن باش هێنە هاڤێژتن دبەرژەوەندیا خەلکێ دەڤەرا زاخۆ دا .
