حەفت سالە بنگەھێ نەخۆشخانا وەلاتژێری و پشكه‌ك ژ قوتابخانا وان د کابینەیان دانە
ئەڤرۆ نیوز، نەوزاد ھلۆری:
کومەلگەھا وەلاتژێری ئێکە ژ کومەلگەھێن نوو چێکریا ل دەڤەرا بارزان کو نێزیکێ 500 مالان بخوڤە دگریت ، و ئەڤە زێدەتر ژ حەفت سالایە بنگەھێ نەخوشخانا کومەلگەھا ناڤبری ل گەل بەشەکێ قوتابخانێ د کابینەکێ دایە.
دڤی واریدا دکتور فەیسەل رێڤەبەرێ بنگەھێ نەخوشخانا وەلاتژێری بۆ ئەڤرۆ نیوزگۆت : (بنگەھێ نەخوشخانا کۆمەلگەھا وەلاتژێری ئێکە ژ وان نەخوشخانەیێن کو رۆژانە ھژمارەکا بەرچاڤ یا نەساخان قەست دکەنێ بەلێ ئەڤە نێزیکێ حەفت سالایە ھەتا نھا چ ئاڤاھی بو نەھاتینە چێکرن و ئەو کارێن خوە د کابینەکێ ڤە ب رێڤە دبەین).
زێدەتر گۆت : (ھەر چەندە بو چەندین جاران مە جھێن شولەژێ لسەر درۆستکرنا ئاڤاھیەکێ بو بنگەھێ نەخوشخانا کومەلگەھا وەلاتژێری ئاگەھدارکرینە ،بەلێ ھەتا نھا چوو دیار نینە و دنھادا ژ بەر قەیرانا دارایی چوو کار بو چێکرنا ئاڤاھیێ بنگەھێ نەخوشخانەیا کومەلگەھا وەلاتژێری ناھێنە ھاڤێتن و ب زەحمەت کەفتیە ،ژبەرڤێ دخوازین کو لایەنێن شولەژێ ب زوترین دەم ھاریکاربن داکو زێدەتر خزمەتا نەخوشخان بھێتەکرن).
ژلایەکێ دنڤە دلفا وەلاتی ژێری وەلاتیەکێ ھەمان کومەلگەھێ یە دایە دیارکرن کو چەند سالێن بوری قوتابخانەک بو وەلاتی ژێری ھاتبویە چێکرن بەلێ ژبەرکو ئاڤاھیەکێ بچوکە ،بەشەک ژ قوتابیان د وەرزێ خواندنێ دا د کابینەیان دا دخوینن و بۆ ئەڤرۆ نیوز گۆت: (کابینە ب چوو شێوەیان د ب کێری خواندنا نھا ناھێن، و زاروک و قوتابیێن مە توشی ئاستەنگان دبن ب تایبەتی د وەرزێ زستانێ دا کو کابینە گەلەک د سارن ،ژبەرڤێ گرنگە کو چەند پولەکێن دی ژی لسەر قوتابخانا کومەلگەھا وەلاتی ژێری بھێتە زێدەکرن).
