حەفت وەرزشڤانێن كوردستانێ خوە بۆ فدراسیۆنا فوتبۆلا ئیراقێ بەربژاركرینە
ب پشكدارییا حەفت وەرزشڤانێن كوردستانێ ب فەرمی هاتە ڕاگەهاندن ل 23ێ ئەیارا بهێت دەست ب هەلبژارتنێن نوو یێن دەستەیا گشتی یا فدراسیۆنا فوتبۆلا ئیراقێ بهێنە ئەنجامدان.
ل دووڤ لیستەیا هاتیە بەلاڤكرن حەفت كەسان ژ هەرێما كوردستانێ خوە بۆ پۆستێن جودا یێن فدراسیۆنا فوتبۆلا ئیراقێ بەربژاركرینە ئەو ژی هەر ئێك ژ د. عەبدوللا جەلال سەرۆكێ یانەیا دهۆك بۆ پۆستێ جێگرێ دویێ یێ سەرۆكێ فدراسیۆنێ، هەروەسان د. ئەحمەد قاسم سەرۆكێ لژنەیا ئۆلمپی ل پارێزگەها دهۆكێ بۆ ئەندام د فدراسیۆنێ دا، دیسان تاها عەبدولحەكیم ئەندامێ كارگێرییا یانەیا زاخۆ بۆ پۆستێ ئەندام.
هەروەسان هەر ئێك ژ گۆڤەند عەبدولخالق بۆ جێگرێ ئێكێ، سامان نانەگەلی، هونەر جەهوەر و مەحموود ئەحمەد بۆ پۆستێن ئەندامەتیێ.
ژلایەكێ دووڤە هەر ئێك ژ عەدنان درجال سەرۆكێ نوكە یێ فدراسیۆنێ و یونس مەحموود جێگرێ وی و ئەیاد بنیان بۆ پۆستێ سەرۆك فدراسیۆن خوە بەربژاركرینە، دوورنینە رەعەد حەموودی ژی خوە بەربژاربكەت، ئەوا بڕیارە 11 كەسان بتنێ ماف هەیە ببنە سەرۆك، جێگرێ ئێكێ و دویێ و ئەندامێن فدراسیۆنێ.
