حەفت وەلاتیێن کورد ل عەفرینێ هاتنە رەڤاندن
ئەڤرۆ نیوز، هۆشەنگ تاجر:
زەکەریا عەفرینی چالاکڤانێ مەدەنی ل باژێرێ عامودێ یێ رۆژئاڤایێ کوردستانێ بۆ ئەڤرۆ نیوز دیار کر کو دو رۆژ بەری نها چەکدارێن ئەحرار شام حەفت وەلاتیێن کورد یێن باژێرێ عەفرینێ رەڤاندینە و هەتا نها ژی چارەنڤیسێ وان دیار نینە و گۆت: (بەری نها ژی گەلەک وەلاتی ژ ئالیێ گرۆپێن چەکدار هاتینە رەڤاندن و پاشی ژی هاتینە کوشتن، گرۆپێن چەکدار ل عەفرینێ رۆژانە کوردان دکوژن و مخابن جڤاکێ نێڤدەولەتی ژی ل هەمبەر کارەساتێن کو رۆژانە ل عەفرینێ روو ددەن، بێدەنگە).
ناڤهاتی ئەو یەک ژی دیار کر کو رۆژانە وەلاتی بزاڤێ دکەن کو ژ عەفرینێ برەڤن، رەوشا نها یا عەفرینێ گەلەکێ خرابە و رێژا کوردان ل عەفرینێ بەر ب نەمانێ ڤە دچیت.
