حەفت کورد دبنە ئەندامێن پەرلەمانێ ئەلمانیا
ل گۆر ئەنجامێن دەستپێکی یێن پەرلەمانێ ئەلمانیا کو ١٢ کوردان خوە بۆ پەرلەمانێ وی وەلاتی بەربژار کربوون و پشتی ئەنجامێن دەستپێکی دیار بوو کو حەفت بەربژارێن کورد شیاینە دەنگێن پێدڤی بدەستڤە بینن و دێ بنە ئەندامێن نوو یێن پەرلەمانێ ئەلمانیا.
ل گۆر ئەنجامێن دەستپێکی هەر یەک ژ فرات کۆچاک، جەم ئینجە، میرزا ئەدیس، جانسو ئۆزدەمیر و گوکای ئاکبولووت ژ پارتا چەپ و قاسم تاهیر ژ هەڤپەیمانیا کەسکان و سەردار یوکسەل ژ پارتا سۆسیال دیموکرات شیاینە دەنگێن پێدڤی بدەستڤە بینن و دێ بنە ئەندامێن نوو یێن پەرلەمانێ ئەلمانیا.
ل گۆر ئەنجامێن دەستپێکی هەڤپەیمانیا ئێکەتیا کریستیان دیموکرات و ئێکەتیا جڤاکێ کریستیانان شیاینە نێزیکی ٢٩٪ دەنگان بدەستڤە بینن و د رێژا ئێکێ دانە و ل گۆر هەلبژارتنێن سالا ٢٠٢١ ژی شیاینە نێزیکی ٥٪ دەنگێن خوە زێدەتر لێ بکەن.
