حەفت گولچی دێ شورەشەکێ د مێرکاتویا ئەڤ سالەدا کەن
ئه‌ڤرۆ نيوز:
بازارێ ڤەگوھاستنا یاریکەران دوبارە دێ گەرم بیتە ڤە تایبەت ناڤبەرا یانێن مەزن ل سەر ئاستێ ئوروپا و ھەمی د ھەولێن مەزن دانە بۆ ئینانا گولچیان، ب ڤێ چەندێ دبیت شورەشەکا مەزن یا ڤەگوھاستنا گولچیان ل سەر ئاستێ یانێن ئوروپی پەیدابیت ل ڤی وەرزی ژبەرکو بازارێ ڤەگوھاستنێ ل سەر ئەڤان گولیان یێ گەرمە.
١_ یێ ئسپانی دی خیا: ئەڤ گولچیێ ئسپانی یێ ٢٤ سالی نوکە گولچیێ یانا مانچستەر یونایتد یا ئنگلیزی یە و ژ ئەگەرێ گرنگیدانا یانا ریال مەدرید یا ئسپانی ڤی گولچی دیارکریە حەز دکەت دوبارە ڤەگەریتە لیگا ئسپانی ڤێ جارێ بەرەڤانیێ ژ گۆلا یانا مەلەکی بکەت و ئەو یێ ئامادە نینە ھەڤبەستا خوە نوو بکەت ل گەل یانا ئنگلیزی.
٢_ یێ فرەنسی ھوگو لوریس: ئەڤ گولچیە ژیێ وی ٢٨ سالن و نوکە گولچیێ یانا توتنھام یا ئنگلیزی یە ژ ترسا چونا گولچیێ مانچستەر یونایتد دی خیا بۆ یانا ریال مەدرید یا بزاڤێ دکەت ڤی گولچی بینتە ناف رێزێن خوە.
٣_ یێ ھولەندی یاسپر سیلیسین: ئەڤ گولچیێ ٢٦ سالی یێ یانا ئەیاکس ئەمستردام یا ھولەندی بەربارە بچیتە ناف رێزێن یانا مانچستەر یونایتد یا ئنگلیزی و ڤی گولچی دیارکریە چو مەترسی ل سەر یانا وی یا نوکە نابیت ئەگەر ئەو بھێتە ڤەگوھاستن بۆ یانا ئنگلیزی لەورا حەزا وی ژی یە یاریێ د خولا پرێمەر لیگ دا بکەت.
٤_ یێ سلوڤاکی یان ئوبلاک: گولچیێ نوکە یێ یانا ئەتلەتیکو مەدرید ژیێ وی ٢٢ سالن کو ئەو ژی نوکە یێ بەربژێرە پەیوەندیێ ب یانێن مانچستەر ستی یا ئنگلیزی یان پاریس سان جێرمان یا فرەنسی بکەت کو حەزا ڤی گولچی یە پەیوەندیێ ب یانەکا مەزن یا ئوروپا بکەت ژ بەرکو ل وەرزێ بوری وەک گولیێ یەدەک بوو ل یانا خوە یا نوکە ئەتلەتیکو مەدرید.
٥_ سەمیر ھاندانوڤێچ: ئەڤ گولچیێ سلوڤینی یێ یانا ئەنترمیلان یا ئیتالی ژیێ وی ٣٠ سالە یانێن ئەی سی میلان یا ئیتالی و چێلسی یا لیڤەرپول یا ئنگلیزی و پاریس سان جێرمان یا فرەنسی یێ ھەمی بزاڤان دکەن ڤی گولچی رازی بکەن یاریێ ل وەرزێ بھێت بۆ ئێک ژڤان تیمان بکەت لێ یانا وی یا نوکە ئەنترمیلان ب چو شێوازا دەست ژ ڤی گولچی نا فروشیت.
٦_ پیتر چیک یێ ٣٣ سالی: گولچیێ نوکە یێ یانا چێلسی یا ئنگلیزی بویە جھێ گرنگیدانا یانێن پاریس سان جێرمان و مانچستەر یونایتد و توتنھام یێن ئنگلیزی ڤی گولچی دیارکریە وی ١٠ سالان خوشترین دەمێن خوە ل گەل یانا لەندەنی بوراندینە و نوکە دەم ھات بەر ب یانەکا دی بچم.
٧_ ئێکەر کاسیاس: گولچیێ یانا ریال مەدرید نوکە ژیێ وی گەھشتیە ٣٤ سالانو یانێن فەنەر باخچە یا تورکی و ئەرسینال یا ئنگلیزی حەزا ئینانا ڤی گولچی ھەیە، کاسیاس دیارکریە بابەتێ ڤەگوھاستنا وی دەنگڤەدانە مەزن ل ناڤبەرا پشتەڤان و کارگێریا یانێ پەیداکریە لێ یا گرنگ ئەوە ئەو دێ یێ بەردەوام بیت ل سەر کارێن خوە ھەتا وی دەمی ب فەرمی کارگێریا یانێ داخوازا چونا من دکەت.
