حەلەبچە
عەبدولرەحمان مەحموود
باژێرەكێ تێكدا دامای
بهارا وێ دخەماڕا مای
ژەهر و ناپال ژۆردا هاتن
پێنج هزار رح ژێ دانە بای
… … …
قێڕی كەفتە تەف كۆلانا
تەرم ڕێزبوون ل حەوش و بانا
هەوار خودێ چ تالان بوو
چ هات سەرێ بێ تاوانا
… … …
چ دیمەنێن دل بئێشن!
هەمی پێكڤە دسەر گێژن
پیر و ساڤا بوونە تەرم
هەناسا خۆ نەشێن بكێشن
… … …
ڕۆندك ژ چاڤا تژی بوون
خەم د دلی دا كەهی بوون
بۆ لاشێن سینگ ژەهراوی بووین
هەمی د ڕازا و مری بوون
… … …
مە ژڤان بوو ل نەورۆزێ
ئاگری خوشكەین بۆ ڤێ دۆزێ
دۆژمنا ل تە كر شینی
هەر دێ بۆ تە نوی كەین سۆزێ
… … …
دەرمان نابیت برینا تە
سەربلندین ب ناڤێ تە
تۆ باژێرێ شەهیدانی
تە پیرۆزبیت ئەڤ ناڤ بۆ تە
