حەماسێ پشتەڤانیا خوە بۆ بڕیارا جڤاتا ئاسایشێ دیار کر
رێخکستنا حەماسێ د داخۆیانیەکێ دا دیار کر، ئەو پشتەڤانیێ ل بریارا جڤاتا ئاسایشێ بۆ راگرتنا شەڕێ نها ل غەزە دکەن و داخواز کر ژ بۆ کو بریار ب تەمامی بهێتە بجهئینان ژی دڤێت ئسرائیل هەموو هێزێن خوە ژ غەزە ڤەکێشیت، ئێرشێن خوە ب تەمامی بدەتە راگرتن و هەموو گرتیێن د دەستێ خوە دا ئازاد بکەت، وی دەمی حەماس ژی بەرهەڤە یا پێدڤی بکەت دا شەڕی ب دووماهی بهێت.
ل ئالیێ دی ئانتۆنی بلینکن وەزیرێ دەرڤە یێ ئەمریکا ژی راگەهاند، ئسرائیلێ بەری نها پرۆژێ ئەمریکا یێ بۆ راگەهاندنا ئاگربەستێ قەبوول کریە و دڤێت حەماس ژی بێی مەرج ئەرکێن خوە بجه بینیت، چونکی بەردەوامیا شەڕێ نها دێ بیتە ئەگەرێ کارەساتێن مەزن و ئەو یەک د بەرژەوەندیا چو ئالیەکێ دا نینە.
