حەماس: ئەم ئامادەینە ٧٠ گرتیێن ئسرائیلێ ئازاد بکەین
رێکخستنا حەماسێ پشتی هه‌ڤدیتنا ل گەل شاندەکێ ژ وەلاتێ قەتەرێ راگه‌هاند کو ئه‌و ئاماده‌نه 70 زارۆک و ژنێن ئسرائیلێ کو نها ل دەف وان ئەسیرن ئازاد بکەن.
فەرماندارەکێ رێکخستنا حەماسێ راگەهاند کو نها رەوشا وەلاتیێن سڤیل ل غەزە گەلەک خرابە و گۆت: (ئەم بەرهەڤین ئاگربەستێ راگەهینین و ٧٠ گرتیێن ئسرائیلێ ژی ئازاد بکەین، لێ دڤێت ئسرائیل ژی بەرهەڤیا خوە بۆ راگەهاندنا ئاگربەستێ دیار بکەت، هەکە ئسرائیل یا بەرهەڤ بیت بۆ دەمێ ٥ رۆژان ئاگربەستێ راگەهینیت وی دەمی ئەم دێ گرتیێن د دەستێ خوە دا ئازاد کەین، لێ هەتا نها بەرپرسێن ئسرائیلێ ل دۆر ڤێ یەکێ ب فەرمی چو داخۆیانیەک نەداینە).
ل ئالیێ دی ل دووڤ دەزگەهێن راگه‌هاندنا جیهانی ئێکەتیا ئۆرۆپا و ئه‌مریکا ژی هه‌ول دده‌ن ئسرائیلێ رازی بکه‌ن دا کو بۆ پێنج رۆژان ئاگربه‌ستێ راگه‌هینیت و ئێرشێن خوه راگریت. لێ بەرپرسێن ئسرائیلێ وه‌سا دبینن کو رێکخستنا حه‌ماسێ بۆ کۆمکرنا هێزێن خوه داخوازا ئاگربه‌ستێ دکه‌ت و حەماسێ دڤێت پشتی دەمەکێ دەست ب ئێرشێن دژوار بکەت.
