حەیدەر عەبادی: دێ ب رێیا خۆ مووچێ فەرمانبەرێن هەرێما کوردستانێ خەرج کەین
ئەڤرۆ نیۆز ، زنار تۆڤی:
حەیدەر عەبادی راگەهاند،ئەو دووڤچوونێ و ڤەکۆلینێ د لیستێن مووچەخۆرێن هەرێما کوردستانێ دکەن و دێ مووچێ وان بۆ خەرج کەن، بەلێ ب رێیا خۆ نن ب رێیا ئەوان.
د کۆنگرێ رۆژنامەڤانی یێ هەفتانەیێ خۆدا ل بەغدا، حەیدەر عەبادی، سەرۆک وەزیرێن عێراقل جارەکا دیتر راگەهاند،کو دێ مووچێ فەرمانبەرێن هەرێما کوردستانێ هنێرن. ئاماژە ب هندێ دا،کو وان هیچ زانیارییەک دەربارەی مووچەخۆران نەگەهشتیە دەستێ وان و گوت ژی،ئەو دبێژن مە هنارتینە، بەلێ مە زانیاری ل سەر نینە.
عەبادی دبیژیت،نوکە ئەم دووڤچوونێ و ڤەکۆلینێ دکەین،ب پشتەڤانیا خودێ دێ مووچەی خەرج کەین، بەلێ ب رێیا خۆ نە ب رێیا ئەوان،هەروەسا مە دڤێت هاریکاریا هەموویان بکەین،مە دڤێت مووچەی بۆ وەلاتیان و فەرمانبەران بهنێرین،نەکو بۆ حزبان و ئەندامێن وان.
حەیدەر عەبادی دیارکر ژی،مە داخوازکریە کو کۆمبوونا خولێ یا لیژنا سەربازی یا دناڤبەرا حوکمەتا ئیتیحادی و حوکمەتا هەرێما کوردستانێ زێدەتر بهێتە کرن،هەروەسا کۆمبوونا لیژنا بلند یا ئەمنی ب سەرۆکاتیا سوپاسالارێ عێراقێ و وەزیرێ پێشمەرگەی ب شاندەکێ بەرفرەهڤە بۆ چارەسەرکرنا پرسێن سنووری ب تەمامی و دەرگەهێن سنووری و ڤەگەریان بۆ هێلا سنووری یێن سالا 2003.
