خالد سه‌لیم ئه‌مین رێكانی: ژ ده‌سپێكا دانانا ده‌ستوورێ تا نوكه كێمتر 50% یا ده‌رمان و پێدڤیێن نۆشداری بو هه‌رێما كوردستانێ دهێنه ره‌وانه‌كرن
ئه‌ڤرۆ، به‌رپه‌رێ ساخله‌میێ:
خالد سه‌لیم هاریكارێ رێڤه‌به‌رێ نه‌خوشخانا ئازادی بو كاروبارێن كارمه‌ندێن ساخله‌میێ، و به‌ربژێرێ ژماره 27 ل سه‌ر لیستا پارتی دیموكراتی كوردستان، بانه‌یا دهۆك- ئامێدیێ، دیاركر كو د ده‌ستوورێ عیراقێ یێ 2005 ێ د هه‌ردو مادێن 31 و 32 به‌حس ل پێدڤیێن ساخله‌میێ بو وه‌لاتیێن عیراقا فیدرال هاتیه‌كرن و گۆت: د مادێ 31 دا دیاردكه‌ت هه‌ر وه‌لاتیه‌كی مافێ چاڤدێریا ساخله‌میێ هه‌یه، و د برگا دوێ دا هاتیه، دڤێت حكۆمه‌ت ل دووف پێدڤیا وه‌لاتیان بنگه‌هێن ساخله‌می و نه‌خۆشخانان ئاڤا بكه‌ت، هه‌روه‌سا دمادێ 32 دا هاتیه فه‌ره پێدڤیێن خودان پێدڤیێن تایبه‌ت دابین بكه‌ت و بشێن ژیانا خوه نورمال بورینن.
دیاركر یا پێدڤی بوو هه‌موو پێدڤیێن ساخله‌میێ ژ ده‌رمان و ئامیر و كه‌لوه‌په‌لێن نۆشداری، بو هه‌رێما كوردستانێ هاتبان دابینكرن، به‌لێ ژ ده‌سپێكا دانانا ده‌ستووری هه‌تا نوكه عێراقێ كێمتر 50% یا ده‌رمان و پێدڤیێن نۆشداری بو هه‌رێما كوردستانێ ره‌وانه كرینه و گۆت: ژبه‌ر هندێ ئاریشه‌یێن مه دگه‌ل به‌غدا گه‌له‌كن ب تایبه‌ت ده‌رمان و پێدڤیێن نۆشداری و ل دووف دستوری عێراق یا ملزه‌مه دابین بكه‌ت، دیاركر ژی، هه‌تا نوكه چ نه‌خۆشخانه ل ده‌ڤه‌رێن كوردستانی یێن ه‌رڤه‌ی ئیدارا هه‌رێما كوردستانێ نه‌هاتینه ئاڤاكرن و خه‌لكێ وان ده‌ڤه‌را هه‌موو ب نه‌چاری هاتینه ده‌ڤه‌رێن مه بو وه‌رگرتنا چاره‌سه‌ریێ و سه‌ره‌رای وێ چه‌ندێ كو حكومه‌تا عیراقێ هه‌ر ب رێژه‌یه‌كا كێم پێدڤیێن ساخله‌میێ دابین دكه‌ت و ژلایێ سیاسیڤه نه‌ڤیایه كه‌رتێ ساخله‌میێ ل ده‌ڤه‌رێن كوردنشین پێش بكه‌ڤیت، هه‌كه ئه‌و هه‌ردو برگه‌یێن ده‌ستووری ب دروستی بهێنه بجهئینان چ كێماسی نامینن.
خالد سه‌لیم ئه‌مین رێكانی، دیاركر ژی كه‌رتێ ساخله‌میێ هه‌تا نوكه ل دووف یاسایێن به‌ری یێن سالێن هه‌شتێ یا دچن، چ ماده‌یێن نوو نه‌هاتینه په‌یره‌وكرن و پێدڤیه گوهورین د وان مادان دا بهێنه‌كرن و هنده‌كێن دی بهێن دانان ل دووف داخازیا خه‌لكی و كارمه‌ندێن یێن ساخله‌میێ بن. ده‌رباره‌ی پرۆژه‌یێن ناڤبری، خالدسه‌لیم ئه‌مین رێكانی ، به‌ربژێرێ ژماره 27 یێ لیستا پارتی دیموكراتی كوردستان ل بازنه‌یێ دهۆك- ئامێدی دیاركر كو گه‌له‌ك پرۆژه هه‌نه د بیاڤێ ساخله‌میێ دا، ژوانژی مه پێدڤی ب چه‌ند ئاڤاهیان و ئامیرێن نۆشداری و ده‌رمانان هه‌یه و ب هیڤیمه بگه‌هینم په‌رله‌مانێ عیراقێ و ب رێكێن یاسایی مافێن مه دابین بكه‌م و خه‌لكێ مه ژێ مفاداربیت، هه‌روه‌سا د پرۆژه‌یێن من دایه قه‌رزێن بچووك دوباره ب گه‌نجا بهێنه دان دا ده‌لیڤێن كاری بو گه‌نجا زێده‌ببن و هه‌روه‌سا سلفێن هه‌ڤژینیێ ژی ب گه‌نجا بهێنه دان، و گۆتژی: من خوه ل سه‌ر لیستا پارتی دیموكراتی كوردستان هه‌لبژارتی یه، چونكی پارتی دیموكراتی كوردستان هه‌ر ژ ده‌سپێكا دامه‌زراندنا وێ ل سه‌ر ده‌ستێ بارزانیێ كاركریه بو ب ده‌ستڤه ئینانا مافێن گه‌لێ كورد و نوكه ژی به‌رده‌وامین ل سه‌ر دابینكرنا مافێن كورد، و پارتی مه‌زنترین رێژا كورسیان هه‌یه ل په‌رله‌مانێ عێراقێ، ئه‌ڤه دزڤریته وێ چه‌ندێ پارتی خوه ب خودانێ خه‌لكی دزانیت، پارتی خه‌لكه و خه‌لك پارتی یه ژبه‌ر ڤێ چه‌ندێ دبیت ئه‌و خه‌لكێ ده‌نگێ خوه دده‌ته پارتی هه‌موو پارتی نه‌بن، به‌س خه‌لك دزانیت هه‌ر پارتی بوویه به‌رڤانی ژ خه‌لكی كری و دام و ده‌زگه‌ه دامه‌زراندین و ئه‌ف ئارامیا ل كوردستانێ ئینایه هه‌بوونێ و ئه‌گه‌ر پارتی یا بهێز بیت دێ حكۆمه‌تامه ژی یا بهێز بیت.
